ডিজিটেল ডেস্কঃ মায়া নগৰী মুম্বাইত বহু ঘটনাই ঘটি থাকে। তাৰে কিছুমান ঘটনা পোহৰলৈ আহে, কিছুমান নাহে। শেহতীয়াকৈ মুম্বাইৰ গোৰেগাঁও অঞ্চলত দেহ ব্যৱসায়ী চক্ৰৰ কৱলৰ পৰা উদ্ধাৰ কৰা হৈছে দুগৰাকী মডেলক। আৰক্ষীয়ে অভিযান চলাই মডেল দুগৰাকীক উদ্ধাৰ কৰিবলৈ সক্ষম হয়। আৰক্ষীয়ে এগৰাকী মহিলা কাষ্টিং পৰিচালকক গ্ৰেপ্তাৰ কৰিছে।
মুম্বাই আৰক্ষীৰ অপৰাধ শাখাই প্ৰকাশ কৰা মতে গ্ৰেপ্তাৰ কৰা কাষ্টিং পৰিচালককগৰাকীক আৰ্টি মিত্তাল বুলি চিনাক্ত কৰা হৈছে। তেওঁৰ বয়স প্ৰায় ৩০ বছৰ। আৰক্ষীয়ে প্ৰকাশ কৰা মতে "মুম্বাই অপৰাধ শাখাৰ ইউনিট ১১-এ গোৰেগাঁৱত এটা যৌন ৰেকেট উদ্ঘাটন কৰিছে। ঘটনাস্থলীৰ পৰা দুগৰাকী মডেলক উদ্ধাৰ কৰা হৈছে। কাষ্টিং ডাইৰেক্টৰ আৰ্টি মিত্তালক গ্ৰেপ্তাৰ কৰা হৈছে। ''
আৰক্ষীয়ে প্ৰকাশ কৰা অনুসৰি মডেল দুগৰাকীক বলীউডৰ ছবিত অভিনয় কৰাৰ সুযোগ দিয়াৰ অজুহাতত সেই স্থানলৈ নিয়া হৈছিল। তাৰ পিছত তেওঁলোকক জোৰকৈ দেহ ব্যৱসায়ত লিপ্ত কৰোৱা হৈছিল। আৰক্ষীয়ে বিষয়টো তদন্ত কৰি আছে আৰু চক্ৰটোৰ সৈতে আন কোন কোন জড়িত থাকিব পাৰে সেয়া অনুসন্ধান কৰি আছে।
Continue Reading
