বন্ধুৱে ডিঙি কাটি হত্যা কৰিলে ১৪বছৰীয়া কিশোৰক; হাত-ভৰি কাটি, বস্তাত ভৰাই পেলাই দিলে মৃতদেহ

ডিজিটেল ডেস্ক : নৃশংসতা আৰু নিৰ্দয়তাৰ সকলো সীমা যেন এতিয়া পাৰ হৈছে মানুহে। সমান্য কথাতে অতি নৃশংসতা আৰু নিৰ্দয়তাৰে ইজনে সিজনক হত্যা কৰাটো অতি সাধাৰণ কথাত পৰিণত হৈছে। এইবাৰ তেনে এক নৃশংস ঘটনা সংঘটিত হৈছে ঝাৰখণ্ডৰ দেওগড়ত। বন্ধুৰ হাততে অতি কৰুণভাৱে প্ৰাণ হেৰুৱালে এজন ১৪ বছৰীয়া কিশোৰে। সামান্য কাজিয়াৰ পাছতে তেওঁৰ কেইজনমান বন্ধুই তেওঁক হত্যা কৰাই নহয় অতি নৃশংসভাৱে মৃতদেহটো খণ্ড-বিখণ্ড কৰি পেলাই দিয়াৰ কথা পোহৰলৈ আহিছে। কিশোৰজনক ডিঙি ৰেপি হত্যা কৰাৰ পাছত তেওঁৰ হাত, ভৰি কাটি পেলায়। তাৰ পাছত মৃতদেহটো এটা বস্তাত ভৰাই জংঘলত পেলাই দিয়ে। আৰক্ষীয়ে এই নৃশংস ঘটনাটোৰ সবিশেষ বৰ্ণনা কৰিছে।

বুধবাৰে ভুক্তভোগী লোকজনৰ পৰিয়ালৰ লোকে এই সন্দৰ্ভত অভিযোগ দাখিল কৰে। আগদিনা নিশাৰ পৰা কিশোৰজন ৰহস্যজনকভাৱে নিৰুদ্দেশ হৈ থকা বুলি আৰক্ষীক অভিযোগ দিয়ে পৰিয়ালৰ লোকে। এই অভিযোগৰ আধাৰত আৰক্ষী বিষয়া পৱন কুমাৰে তদন্ত প্ৰক্ৰিয়া আৰম্ভ কৰে। তদন্তকালত তেওঁ ভুক্তভোগী কিশোৰজনক আন এজন ১৪বছৰীয়া কিশোৰক আটক কৰে। কিশোৰজনে আৰক্ষীৰ জেৰাত স্বীকাৰোক্তি দিয়ে কিদৰে আন এজন বন্ধুৰ সৈতে মিলি এই নৃশংস হত্যাকাণ্ড সংঘটিত কৰিছিল। কিশোৰজনক হত্যা কৰা যুৱকজন ১৯ বছৰীয়া অবিনাশ বুলি আৰক্ষীয়ে প্ৰকাশ কৰিছে। পালংগা পাহাৰ অৰন্য এলেকালৈ তিনিও গৈছিল আৰু তাতেই অবিনাশৰ সৈতে ভুক্তভোগী কিশোৰজনৰ কাজিয়াৰ সূত্ৰপাত ঘটে। তৎক্ষণাত কিশোৰজনক ছুৰীৰে আঘাত কৰে অবিনাশে আৰু তাৰ পাছত ডিঙি কাটি হত্যা কৰে।
হত্যাকাণ্ডৰ পাছত অবিনাশে কিশোৰজনৰ হাত-ভৰি কাটি পেলায় আৰু তাৰ পাছত এটা বস্তাত ভৰাই মৃতদেহটো জংঘলত পেলাই দিয়ে।আৰক্ষীয়ে মৃতদেহটো উদ্ধাৰ কৰিছে আৰু অবিনাশক গ্ৰেপ্তাৰ কৰিছে। অবিনাশে তেওঁৰ অপৰাধৰ কথা স্বীকাৰ কৰিছে বুলিও আৰক্ষীয়ে সদৰি কৰিছে। তদুপৰি আৰক্ষীয়ে তেজলগা ছুৰীখন আৰু মৃত কিশোৰজনৰ মোবাইল ফোন উদ্ধাৰ কৰিবলৈ সক্ষম হৈছে।