ডিজিটেল ডেস্কঃ সমগ্ৰ বিশ্বতে বন্ধ্যাত্বৰ সমস্যা বাঢ়িছে। বিশ্ব স্বাস্থ্য সংস্থা (WHO)ৰ পৰিসংখ্যা অনুসৰি বিশ্বৰ প্ৰতি ছয় দম্পতীৰ ভিতৰত এটা দম্পতি সন্তানহীন। এই সমস্যা সমাধানৰ ক্ষেত্ৰত অধিক সক্ৰিয় হ’বলৈ প্ৰতিখন দেশক এই সন্দৰ্ভত বিতং তথ্য প্ৰদান কৰিবলৈ অনুৰোধ জনোৱা হৈছে।
WHOৰ প্ৰতিবেদন অনুসৰি ১৯৯০ চনৰ পৰা ২০২১ চনলৈকে ১৭.৫ শতাংশ লোকে গৰ্ভধাৰণ কৰিব পৰা নাছিল। এই প্ৰসংগত ৰাষ্ট্ৰসংঘৰ স্বাস্থ্য সংস্থাৰ সচিব টেড্ৰছ আধানম গেব্ৰেইছাছে কয় যে স্বাস্থ্য গৱেষণা আৰু স্বাস্থ্য নীতিত বন্ধ্যাত্বৰ সমস্যাৰ ওপৰত অধিক আলোচনাৰ প্ৰয়োজন আছে।
‘হু’ৰ মতে বন্ধ্যাত্ব এক ৰোগ। পুৰুষ বা মহিলা যিয়েই নহওক কিয়, যিকোনো ব্যক্তিয়েই এই সমস্যাৰ সন্মুখীন হ’ব পাৰে।
ভাৰতৰ ইণ্ডিয়ান ছ’চাইটি অৱ এচিষ্টেড ৰিপ্ৰডাকচনৰ হিচাপ অনুসৰি এই দেশত নিঃসন্তান দম্পতীৰ সংখ্যাও বৃদ্ধি পাইছে। তেওঁলোকৰ প্ৰতিবেদন অনুসৰি ২০১৯ চনত দেশত নিঃসন্তান দম্পতীৰ সংখ্যা আছিল ২ কোটি ৭৫ লাখ। অৱশ্যে হুৱে ভাবে যে এই ক্ষেত্ৰত অধিক গৱেষণাৰ প্ৰয়োজন।
Continue Reading
