ডিজিটেল ডেস্কঃ ফৰ্বছ বিলিয়নাৰৰ ২০২৩ চনৰ তালিকাত এছিয়াৰ আটাইতকৈ ধনী ব্যক্তি হিচাপে নিজৰ স্থান পুনৰ লাভ কৰিছে ভাৰতৰ ধনাঢ্য ব্যক্তি মুকেশ আম্বানীয়ে৷ ইয়াৰ উপৰি মুম্বাই ইণ্ডিয়ানছ ক্ৰিকেট দলৰ স্বত্বাধিকাৰী মুকেশ আম্বানীয়ে ৪ এপ্ৰিলত প্ৰকাশ পোৱা ফৰ্বছৰ বিলিয়নাৰ ২০২৩ তালিকাত সকলোতকৈ ধনী ক্ৰীড়া দলৰ মালিক হিচাপে পৰিগণিত হৈছে।
লছ এঞ্জেলছ ক্লিপাৰ্ছৰ মালিক ষ্টিভ বালমাৰক পাছ পেলাই শীৰ্ষস্থান দখল কৰে আম্বানীয়ে।
২০২৩ চনৰ ১০ মাৰ্চ তাৰিখে যেতিয়া ফৰ্বছে ২০২৩ চনৰ বিশ্ব বিলিয়নাৰ তালিকাৰ বাবে নেট ৱৰ্থ লক কৰিছিল, তেতিয়া আম্বানীৰ সম্পত্তি আছিল ৮৩.৪ বিলিয়ন ডলাৰ, আনহাতে বালমাৰৰ সম্পত্তি আছিল ৮০.৭ বিলিয়ন ডলাৰ। বালমাৰ এতিয়া পৃথিৱীৰ দ্বিতীয় আটাইতকৈ ধনী ক্ৰীড়াদলৰ মালিক।
শেহতীয়াকৈ প্ৰথমবাৰৰ বাবে অনুষ্ঠিত হোৱা মহিলা প্ৰিমিয়াৰ লীগত ফ্ৰেঞ্চাইজি ক্ৰয় কৰা ৰিলায়েন্সে দক্ষিণ আফ্ৰিকা আৰু সংযুক্ত আৰৱ এমেৰিটাছৰো ক্ৰিকেট দলৰ মালিক।
Continue Reading
