ডিজিটেল ডেস্কঃ পঞ্চায়ত নিৰ্বাচনৰ ভোটগণনাক লৈ উত্তাল হৈ আছে পশ্চিম বংগ। নিৰ্বাচনক কেন্দ্ৰ কৰি সংঘটিত হৈছে এটা আজৱ ঘটনা। উত্তৰ ২৪ পৰগনাৰ এগৰাকী তৃণমূল প্ৰাৰ্থীয়ে ভোটগণনা কেন্দ্ৰত থকা বেলট কাগজ চোবাই খোৱাৰ অভিযোগ উত্থাপন হৈছে। নিৰ্বাচনত পৰাস্ত হোৱাৰ বাবেই এই কাম কৰে প্ৰাৰ্থীগৰাকীয়ে। তেওঁৰ বিৰুদ্ধে মাত্ৰ চাৰিটা ভোটত জয়ী হ’বলৈ গৈ আছিল চি পি এমৰ প্ৰাৰ্থী ৰবীন্দ্ৰনাথ মজুমদাৰ। কিন্তু তৃণমূলৰ প্ৰাৰ্থী মহাদেৱ মাটিয়ে বেলটখিনি চোবাই খাই পালে।
ভূৰকুণ্ডা পঞ্চায়তৰ ৩১ নং বুথত এই কাণ্ড ঘটে। চিপিএমৰ প্ৰাৰ্থী ৰবীন্দ্ৰনাথে ৪টা ভোটত জয়ী হোৱাৰ কথা শুনি গণনা কেন্দ্ৰত প্ৰৱেশ কৰে তৃণমূল প্ৰাৰ্থী মহাদেৱ। চিপিএমৰ অভিযোগ যে, ইয়াৰ পিছত তেওঁ বেলটৰ বাণ্ডিল এটা কাঢ়ি লৈ গৈছিল আৰু কিছুমান বেলট মুখত ভৰাই চোবাইছিল।
চিপিএমৰ প্ৰাৰ্থী ৰবীন্দ্ৰনাথে কয়, "২ নং কোঠাৰ ৭ নম্বৰ টেবুলত গণনা চলি আছিল। গণনা কৰাৰ পিছত মই ৪ টা ভোটত জয়ী হৈছিলো। দেখিলো মহাদেৱ মাটি সোমাই আহিছে, কাৰো একো গুৰুত্ব নিদিয়াকৈ, মোৰ বাকচৰ পৰা বাণ্ডিল এটা তুলি লৈ মুখত ভৰায়। ইয়াৰ পিছত তেওঁ আকৌ ওলাই গ’ল। এনে পৰিস্থিতিত প্ৰশাসনে কাকো বিজয়ী ঘোষণা কৰা নাই। ভোটগণনা বন্ধ কৰা হৈছে।''
সূত্ৰ অনুসৰি, গণনাৰ সময়ত পৰাজয়ৰ খবৰ পাই তৃণমূলৰ প্ৰাৰ্থী মহাদেৱে কেন্দ্ৰটোত প্ৰৱেশ কৰে। ৭ নম্বৰ টেবুলৰ ওচৰত থিয় হয়। তেওঁৰ সন্মুখত ৰখা হৈছিল ২৫খন বেলটৰ একাধিক বাণ্ডিল। মহাদেৱে ক্ষন্তেকতে এনে এটা বাণ্ডিল তুলি ল’লে। ইয়াৰ পিছত বাণ্ডিলটো ফালি মুখত কিছুমান বেলট ভৰালে। বাকী থকা বেলটবোৰ ইফালে সিফালে সিঁচৰতি কৰি পেলালে। ইয়াৰ পিছতে তাৰপৰা উলাই যায় তেওঁ।
Continue Reading
