ভয়ংকৰ অৰণ্যত শ শ নিৰীহ চৰাই জ্বলি গৈছিল৷ শহা আৰু অন্যান্য জন্তুবোৰ উদ্ধাৰৰ বাবে দৌৰিছিল দুই যুৱক
ডিজিটেল ডেস্ক:
এখন পাহাৰৰ ওপৰত থকা অৰণ্যত হঠাতে সংঘটিত অগ্নিকাণ্ডত নিৰীহ চৰাইৰ মৃত্যু হৈছে। শনিবাৰে দুপৰীয়া প্ৰায় ১২ বজাত মোখাৱানেৰ এখন পাহাৰত হঠাৎ জুই লাগিছিল। পাহাৰখনত হঠাতে জুই লগা আৰম্ভ হৈছিল আৰু বতাহৰ ফলত এই জুই মুহূৰ্ততে বিয়পি পৰে পাহাৰখনত৷ জুই নিয়ন্ত্ৰণ কৰিবলৈ চেষ্টা কৰোঁতে, কিছুমান লোকে জুইৰ তীব্ৰতা লক্ষ্য কৰে আৰু লগে লগে বন বিভাগক সহায়ৰ বাবে মাতে।
বন বিভাগ, দুৰ্যোগ ব্যৱস্থাপনা দল আৰু বন সমিতিৰ
অধ্যক্ষই জুই নুমুৱাবলৈ যথাসাধ্য চেষ্টা কৰে যদিও তীব্ৰ বতাহৰ বাবে জুইৰ বিভীষিকা কম নহয়৷ এই জুয়ে মুহূৰ্ততে ছাই কৰি পেলাইছিল বহুতো চৰাই৷ নিমৰ্ম আছিল সেই দৃশ্য য’ত কিছুসংখ্যক চৰাই জ্বলি গৈছিল আৰু কিছুমান আঘাতপ্ৰাপ্ত হৈছিল। আৰু এনে সময়তে দেৱদূত হিচাপে থিয় দিছিল দুজন যুৱক৷ নাম ৰাকেশ পাটিল আৰু মহেন্দ্ৰ মান৷ এই দুজন যুৱকে আঘাতপ্ৰাপ্ত চৰাইবোৰক সুস্থ কৰিবলৈ যথা সম্ভৱ প্ৰয়াস কৰিছিল৷ আঘাতপ্ৰাপ্ত চৰাইবোৰক পৃথকে তুলি লৈ কাপোৰৰ মোনা এখনত পেক কৰি সুৰক্ষিত স্থানলৈ লৈ আহিছিল।
অৱশ্যে, ইয়াৰ মাজতে, জুইৰ পৰা ৰক্ষা পাবলৈ বহুতো বনৰীয় কেৰকটুৱা জুইৰ পৰা পলায়ন কৰি আছিল। ভয়াতুৰ কেৰকটোৱাবোৰকো এটা সুৰক্ষিত স্থানলৈ এৰি দিয়া হৈছিল। বনধ্বংসৰ ফলত শ শ চৰাই, চৰাই আৰু চৰাইৰ কণী জ্বলি গৈছে৷ জ্বলিছে বহু গছ আৰু বনৌষধি যেনে চেগুন, খাইৰ, ধাৱদা ধ্বংস হৈছে।
যুৱক দুজনে চৰাইবোৰক চিকিৎসাৰ বাবে যথাসম্ভৱ প্ৰয়াস কৰে৷ যুৱক দুজনৰ প্ৰচেষ্টাত জীপাল হৈ উঠে ধ্বংস মুখলে যোৱা চৰাইসমূহ৷ লগতে যুৱকদুজনে শহাপহুকে ধৰি বিভিন্ন জীৱৰ প্ৰাণ বচায়৷ এই যুৱক দুজনৰ প্ৰচেষ্টাক একেমুখে শলাগিছে সকলোৱে৷
