ডিজিটেল ডেস্ক: পূব আফ্ৰিকাৰ এখন দৰিদ্ৰ দেশ ছুডান। কেৱল দৰিদ্ৰই নহয়, যুদ্ধবিধ্বস্তও এই দেশখন। বিগত দুটা দশক ধৰি গৃহযুদ্ধৰ দাবানলত দহিছে ছুডান।
ছুডানৰ জনগণ দৰিদ্ৰ হ’লেও আন এটা দিশৰ পৰা দেশখন চহকী। অপৰ্যাপ্তভাৱে সোণৰ ভাণ্ডাৰ থকাৰ বাবেই ছুডানক এই দিশৰ পৰা চহকী আখ্যা দিব পাৰি। দৰিদ্ৰ জনতাৰ দেশ ছুডানতে আছে ৪০ হাজাৰটা সোণ উৎপাদনৰ খনি। এই সোণ উৎপাদন কেন্দ্ৰবোৰৰ পৰা ৬০টাকৈ কোম্পানীয়ে প্ৰতি বছৰে আহৰণ কৰে বৃহৎ পৰিমাণৰ সোণ।
এতিয়াও ছুডানৰ বহুসংখ্যক সোণৰ খনি পূৰ্ণাংগ ৰূপত বিকশিত হোৱা নাই। তথাপিও বিশ্বৰ দশম স্থানৰ সোণ উৎপাদনকাৰী দেশ ছুডান। প্ৰতিবছৰে বিশ্বৰ সোণৰ বজাৰলৈ ৯০টন সোণ আহে ছুডানৰ পৰা। সোণ ৰপ্তানি কৰি ছুডান চৰকাৰে প্ৰতিবছৰে আহৰণ কৰে বৃহৎ পৰিমাণৰ ধন।
২০২২ চনত সোণ ৰপ্তানি কৰি ছুডানে উপাৰ্জন কৰিছিল ২.৫ বিলিয়ন ডলাৰ। ছুডানত বৃহৎ পৰিমাণৰ সোণ প্ৰতিবছৰে উৎপাদন হ’লেও দেশখনৰ পৰা প্ৰতিবছৰে বৃহৎ পৰ্যায়ত সোণৰ চোৰাং সৰবৰাহো হয়। যাৰবাবে যথোচিত ৰাজহ পোৱাৰ পৰা বঞ্চিত হয় ছুডান চৰকাৰ।
Continue Reading
