ডিজিটেল ডেস্কঃ ভাৰতত নিবনুৱাসকলৰ মাজত যুৱক-যুৱতীৰ অনুপাত ৮৩ শতাংশলৈ বৃদ্ধি পাইছে! আন্তঃৰাষ্ট্ৰীয় শ্ৰমিক সংস্থা (ILO) আৰু ইনষ্টিটিউট ফৰ হিউমেন ডেভেলপমেণ্টে (আই এইচ ডি) যৌথভাৱে এক প্ৰতিবেদন প্ৰকাশ কৰি এই তথ্য পোহৰলৈ আনিছিল। মঙলবাৰে এই প্ৰতিবেদন প্ৰকাশ কৰে দেশৰ অৰ্থনৈতিক উপদেষ্টা ভি অনন্ত নাগেশ্বৰনে।
প্ৰতিবেদন অনুসৰি দেশৰ নিবনুৱাসকলৰ মাজত শিক্ষিত যুৱকৰ সংখ্যা ক্ৰমাগতভাৱে বৃদ্ধি পাইছে। ২০০০ চনত এই অনুপাত আছিল ৫৪.২ শতাংশ। ২০২২ চনত এই অনুপাত ৬৫.৭ শতাংশলৈ বৃদ্ধি পায়। বৰ্তমান দেশৰ নিবনুৱাৰ ৭৬.৭ শতাংশ শিক্ষিত যুৱক আৰু ৬২.২ শতাংশ শিক্ষিত যুৱক। পৰিসংখ্যা উল্লেখ কৰি প্ৰতিবেদনত কোৱা হৈছে যে ভাৰতৰ নিবনুৱা সমস্যা ক্ৰমান্বয়ে যুৱ সমাজৰ মাজতে সীমাবদ্ধ হৈ পৰিছে।
প্ৰতিবেদন অনুসৰি ২০০০ চনৰ পৰা ২০১৯ চনৰ ভিতৰত দেশত নিবনুৱাৰ সংখ্যা হ্ৰাস পাইছিল যদিও Covid মহামাৰীৰ সময়ত পুনৰ এই হাৰ বৃদ্ধি পাবলৈ আৰম্ভ কৰিছিল। এই সময়ছোৱাত বৃহৎ সংখ্যক শিক্ষিত আৰু পেছাদাৰী লোকে চাকৰি হেৰুৱাইছিল। প্রতিবেদন ওলোৱাৰ পাছত বিৰোধী দলসমূহে কেন্দ্রত নৰেন্দ্র মোডী চৰকাৰক সমালোচনা কৰিবলৈ আৰম্ভ কৰে৷ কংগ্ৰেছ, তৃণমূল, চিপিএমৰ দৰে দলসমূহে যুৱ প্ৰজন্মৰ প্ৰতি উদাসীন বুলি কেন্দ্ৰক সমালোচনা কৰিছে।
যদিও এই সন্দৰ্ভত বিজেপিৰ কোনেও এতিয়ালৈকে মুকলিকৈ কোৱা নাই, তথাপিও কেন্দ্ৰৰ অৰ্থনৈতিক উপদেষ্টাগৰাকীয়ে কয় যে চৰকাৰে সকলো সামাজিক আৰু অৰ্থনৈতিক সমীক্ষাত হস্তক্ষেপ কৰিব বুলি ভবাটো সঠিক নহয়।
Continue Reading
