ডিজিটেল ডেস্কঃ বৰ্ষান্তত আহি পৰিছে এক দুখৰ খবৰ৷ অনুৰাগীসকলৰ প্ৰাৰ্থনা, চিকিৎসকসকলৰ প্ৰচেষ্টা সকলো বিফল কৰি প্ৰাক্তন পোপ ষোড়শ বেনেডিক্টৰ শনিবাৰে মৃত্যু হয়। ভেটিকানৰ সূত্ৰই এই খবৰ নিশ্চিত কৰিছে৷
মৃত্যুৰ সময়ত তেওঁৰ বয়স হৈছিল ৯৫ বছৰ। তেওঁ ভেটিকানতেই শেষ নিশ্বাস ত্যাগ কৰে৷ পোপ ফ্ৰান্সিছে অসুস্থ বেনেডিক্টৰ অহৰহ খবৰ লৈ আছিল৷ নৱবৰ্ষৰ আৰম্ভনি হ’বলৈ কেইটাম ঘণ্টা বাকী থাকোতেই প্ৰাক্ন পোপগৰাকীৰ মৃত্যুত শোকাহতহৈ পৰিছে ভেটিকান চিটিৰ বাসিন্দাসকল৷ প্ৰাক্তন পোপৰ মৃত্যুত ভেটিকানে গভীৰ শোক প্ৰকাশ কৰিছে।
এক বিবৃতিত ভেটিকানে এইদৰে কৈছে: "আমাৰ হৃদয় গভীৰভাৱে ব্যথিত । তীব্ৰ বেদনাৰ আপোনালোকক জনাইছো যে আমাৰ শ্ৰদ্ধেয় পোপ এমিৰিটাছ ষোড়শ বেনেডিক্টৰ আজি পুৱা ৯:৩০ বজাত মৃত্যু হয়। এই বিষয়ে সবিশেষ পিছত ঘোষণা কৰা হ'ব। "
Continue Reading
