ডিজিটেল ডেস্ক: শীতৰ আগমনৰ লগে লগে মানুহৰ শৰীৰতো কিছুমান স্বাস্থ্যজনিত সমস্যাই দেখা দিয়ে বতৰৰ পৰিৱৰ্তনৰ এই সময়ছোৱাত বিশেষকৈ কাহ আৰু মূৰৰ বিষ, চৰ্দি আৰু কাহৰ প্ৰাদুৰ্ভাৱ বাঢ়ি যায়, যাৰ ফলত হাঁপানী বা চি অ’ পি ডি ৰোগত আক্ৰান্ত লোকৰ দুখ-কষ্ট বৃদ্ধি পায়। এনে সময়ত চিকিৎসকসকলে ফ্লুৰ ভেকচিন লোৱাটো ভাল বুলি পৰামৰ্শ আগবঢ়াইছে।
সাধাৰণতে শীতকালত শিশুক ফ্লুৰ টিকা দিয়া উচিত বুলি কোনেও নাভাবে। কিন্তু চিকৎসকে এই সময়ছোৱাত শিশুৰ শাৰীৰিক প্ৰতিৰোধ ক্ষমতা বৃদ্ধিৰ বাবে আমলখি, নেমুৰ ৰস অৰ্থাৎ ভিটামিন-চি যুক্ত ফলমূল আৰু শাক-পাচলি খাব লাগে। চিকৎসকে উচ্চ ৰক্তচাপ বা চি অ’ পি ডি ৰোগী, বা দীৰ্ঘদিনীয়া শ্বাস-প্ৰশ্বাসজনিত ৰোগ বা সংক্ৰামক হাওঁফাওঁৰ ৰোগ থকা ৰোগীক ফ্লুৰ ভেকচিন ল’বলৈ পৰামৰ্শ পৰামৰ্শ প্ৰদান কৰিছে। চিকিৎসক সকলে পৰামৰ্শ দিয়ে যে কম বয়সতে ফ্লুৰ ভেকচিন লোৱাৰ প্ৰয়োজন নাই। দহ বছৰ বয়সৰ পিছত চিকিৎসকৰ সৈতে পৰামৰ্শ কৰি ল’ব লাগে।
চিকিৎসকসকলৰ মতে ইনফ্লুৱেঞ্জাৰ ভেকচিন প্ৰতি বছৰে ০.৫ মিলিলিটাৰ ড’জত গ্ৰহণ কৰিব লাগিব। যিহেতু বছৰ বছৰ ধৰি ইনফ্লুৱেঞ্জা ভাইৰাছে নিজৰ চৰিত্ৰ সলনি কৰি থাকে, সেয়েহে এবাৰ টিকা লোৱাৰ কোনো এবাৰৰ বাবেহে উপকাৰিত হ’ব। সেয়ে প্ৰতি বছৰে নিয়মিতভাৱে প্ৰতিৰোধমূলক ব্যৱস্থা গ্ৰহণ কৰিব লাগিব।
চিকিৎসকৰ মতে ইনফ্লুৱেঞ্জা এনে এক ৰোগ যে এই ভাইৰাছ অহৰহ সলনি হৈ থাকে। প্ৰায় তিনিবিধ ইনফ্লুৱেঞ্জাৰ দ্বাৰা মানুহ আক্ৰান্ত হয়। এটা সাধাৰণ ঋতুভিত্তিক ইনফ্লুৱেঞ্জা। দ্বিতীয়টো হ’ল, মহামাৰীৰ আকৃতি লোৱা ইনফ্লুৱেঞ্জা। তৃতীয়টো হ’ল জুন’টিক ইনফ্লুৱেঞ্জা যি জীৱ-জন্তুৰ পৰা বিয়পে। উদাহৰণস্বৰূপে বাৰ্ড ফ্লু, ছোৱাইন ফ্লু আদিৰ কথা ক’ব পাৰি।
ডেকা-বুঢ়া লোক ফ্লুত আক্ৰান্ত হ’লে অধিক সমস্যাৰ সন্মুখীন হয়। আৰু যিসকলে কেমোথেৰাপি লৈ আছে বা ষ্টেৰইড গ্ৰহণ কৰি আছে তেওঁলোকৰ বাবে পৰিস্থিতি অলপ বিপদজনক হ’ব পাৰে। ইমিউনিটি কম থকা লোকসকলে ইনফ্লুৱেঞ্জাৰ ভেকচিন গ্ৰহণ কৰিলে ভাল। কিন্তু যদি জ্বৰ বা চৰ্দি আৰু কাহ হয়, তেন্তে ভেকচিন গ্ৰহণ কৰিব নোৱাৰি বুলি চিকিৎসকসকলে সদৰি কৰিছে৷ সেয়ে চিকিৎসকৰ পৰামৰ্শ গ্ৰহণ কৰিহে প্ৰতিৰোধমূলক ব্যৱস্থা ল’বলৈ অনুৰোধ জনাইছে।
Continue Reading
