ডিজিটেল ডেস্কঃ সন্ত্ৰাসবাদীৰ আক্ৰমণত কঁপি উঠিল বুৰ্কিনা ফাছো। নাইজাৰ সীমান্তৰ ওচৰৰ উত্তৰ-পূব বুৰ্কিনা ফাছোৰ দুখন গাঁৱত সন্ত্ৰাসবাদীয়ে চলোৱা ভয়ংকৰ আক্ৰমণত ৪৪ জন নাগৰিক নিহত হৈছে।সন্ত্ৰাস,বাদীয়ে কুৰাকৌ আৰু টণ্ডোবি গাঁৱত এই তাণ্ডৱ চলায়। আক্ৰমণৰ ঘটনাত আন বহু কেইজন লোক আহত হৈছে।
ছালে অঞ্চলৰ লেফটেনেণ্ট-গভৰ্ণৰ ৰোডলফে চোৰ্গোৱে কয় যে কুৰাকৌত ৩১ জন আৰু টণ্ডোবিত ১৩ জন লোকৰ মৃত্যু হৈছিল। উল্লেখ্য অতি দৰিদ্ৰ দেশখনে আল-কায়দা আৰু ইছলামিক ষ্টেটৰ জিহাদীসকলৰ আক্ৰমর বলি হৈ আহিছে। বিগত সাত বছৰ ধৰি দেশ খনত ইছলামিক সন্ত্ৰাসবাদীৰ বিৰুদ্ধে সেনাই অভিযান চলাই আছে যদিও সন্ত্ৰাসবাদীক পুলিয়ে-পোখাই উভালিবলৈ সক্ষম হোৱা নাই।
কৌৰাকৌৰ এজন বাসিন্দাই কয় যে "বৃহৎ সংখ্যক সন্ত্ৰাসবাদীয়ে গাওঁখনত প্ৰৱেশ কৰিছিল। গোটেই ৰাতি, আমি গুলীবৰ্ষণৰ শব্দ শুনিছিলো। পুৱাই আমি দেখিছিলো যে কেইবা ডজন লোক মৃত অৱস্থাত পৰি আছে।" স্থানীয় লোকসকলে কয় যে গাওঁখনক কেইদিনমান আগতে দুজন জেহাদীক সেনাই হত্যা কৰাৰ প্ৰতিশোধ স্বৰূপে এই আক্ৰমণৰ ঘটনা সংঘটিত হৈছে।
ফেব্ৰুৱাৰী মাহত দেশ খনৰ দূৰ উত্তৰ অংশত সংঘটিত সন্ত্ৰাসবাদীৰ আক্ৰমণত ৫১ জন সৈনিক নিহত হৈছিল। যোৱা বছৰৰ জুন মাহত ৰক্তক্ষয়ী আক্ৰমণত ৮৬ জন নাগৰিক নিহত হৈছিল। বুৰ্কিনা ফাছোৰ নতুন সামৰিক মুৰব্বীগৰাকীয়ে এই সপ্তাহতে বিদ্ৰোহীৰ বিৰুদ্ধে কঠোৰ হ’ব বুলি ঘোষণা কৰিছিল। ২০১৫ চনত জিহাদীসকলে ১০,০০০ তকৈও অধিক নাগৰিক, সৈন্য আৰু আৰক্ষীক হত্যা কৰিছে। কমেও ২০ লাখ লোক সন্ত্ৰাসবাদীৰ আক্ৰমণৰ বাবেই গৃহহাৰা হৈছে।
Continue Reading
