ডিজিটেল ডেস্কঃ বৃহস্পতিবাৰে গভীৰ নিশা এখন ‘এপলৰ ষ্ট’ৰ’ৰ পৰা দুৰ্বৃত্তই চুৰি কৰি লৈ যায় ৪ কোটি টকাৰ আইফোন। আমেৰিকাৰ ৱাশ্বিংটন চহৰৰ এটা শ্বপিং মলত সংঘটিত হৈছে এই ঘটনা। ঘটনাৰ তদন্ত কৰি আৰক্ষীয়ে চাঞ্চল্যকৰ তথ্য লাভ কৰে।
প্ৰথমতে দোকানৰ কৰ্মচাৰীসকলে বুজি পোৱা নাছিল যে আগৰ নিশা ইমান ডাঙৰ ঘটনা এটা ঘটিছিল। দোকানখন বাহিৰৰ পৰা বুজিব পৰা নাছিল চুৰিকাণ্ডৰ কথা। কাৰণ দোকানৰ কাঁচৰ দুৱাৰৰ তলাটো অক্ষত আছিল। ষ্ট’ৰৰ ভিতৰলৈ সোমাই গৈহে এজন কৰ্মচাৰীয়ে প্ৰথমে কথাটো বুজি পালে দোকানত চুৰি হৈছে। তেওঁৱেই আৰক্ষীক খবৰ দিয়ে।
আৰক্ষীয়ে তলা নভঙাকৈ কেনেকৈ দুস্কৃতিকাৰীয়ে দোকানত প্ৰৱেশ কৰিলে বুলি ভাবিব ধৰিলে। ইয়াৰ পিছত আৰক্ষীয়ে দোকানৰ মজিয়াখনলৈ লক্ষ্য কৰিলে। মজিয়াত কিছু অংশ খান্দি থোৱা দেখা পালে। সেই কথা দেখি আৰক্ষীকেইজন আচৰিত হৈ পৰিল।
শ্বপিং মলটোত আইফোন ষ্ট’ৰৰ কাষতে এখন কেফে আছে। দুৱাৰ ভাঙি প্ৰথমে কেফেত প্ৰৱেশ কৰে দুষ্কৃতিকাৰী। ইয়াৰ পিছত কেফেৰ মজিয়া খান্দি এটা সুৰংগ সাজিলে। সেই বাটেৰে ওচৰৰ আইফোন ষ্ট’ৰটোত সোমাই গ’ল।
আৰক্ষীৰ সূত্ৰ অনুসৰি ফোনটো চুৰি হৈছিল প্ৰায় ৪ কোটি টকা। সম্প্ৰতি আৰক্ষীয়ে দোষীক বিচাৰি অভিযান অব্যাহত ৰাখিছে।
Continue Reading
