ডিজিটেল ডেস্ক
বিশ্বত দৈনিক শতটা নাৰী বিৰোধী ঘটনা সংঘটিত হয়৷ তদুপৰি চাকৰিৰ ক্ষেত্ৰখনো তুলনামূলকভাৱে প্ৰত্যাহ্বানমূলক মহিলাৰ বাবে৷ আয়াৰলেণ্ডতো শেহতীয়াকৈ সংঘটিত হ’ল তেনে এক ঘটনা৷ ডমিন’জৰ চাকৰিৰ বাবে হোৱা এক সাক্ষাৎকাৰত বয়স আৰু লিংগৰ ভিত্তিত হেয় প্ৰতিপন্ন কৰা হ’ল এগৰাকী মহিলাক৷
সেই মহিলা গৰাকীৰ নাম জেনিছ ৱালছ৷ টাইৰণৰ এখন ডমিন’জত ডেলিভাৰী ড্ৰাইভাৰৰ বাবে আবেদন জনাইছিল জেনিছ ৱালছে৷ কিন্তু চাকৰিৰ সাক্ষাৎকাৰত বয়সৰ বাবেই বৈষম্যৰ বলি হয় মহিলা গৰাকী৷ প্ৰতিষ্ঠানটোৰ এনে কাৰ্যই সাহসী মহিলা গৰাকীৰ মনোবল ভাঙিব নোৱাৰিলে৷ এই বিষয়টোৰ সন্দৰ্ভত তেওঁ প্ৰতিষ্ঠানটোৰ বিপক্ষে আইনী ব্যৱস্থা গ্ৰহণ কৰে আৰু জয় লাভ কৰে।
ক্ষতিপূৰণ হিচাপে মহিলা গৰাকীয়ে ৩,৭৮,১১২ টকা লাভ কৰে৷
এই বিষয়ৰ সন্দৰ্ভত মহিলা গৰাকীয়ে মন্তব্য কৰে যে, ইন্টাৰভিউত তেওঁৰ বয়সৰ কথা সোধা হৈছিল৷ বয়সৰ বাবেই তেওঁক বঞ্চিত কৰা হৈছিল উক্ত চাকৰিৰ পৰা৷ ১৮ ৰ পৰা ২০ বছৰৰ প্ৰাৰ্থীকহে প্ৰাধান্য দিয়া হৈছিল ৷
অৱশ্যে মহিলা গৰাকীয়ে ন্যায় লাভ কৰাত সকলো যথেষ্ট সুখী হৈছে আৰু আওপকীয়াকৈ নিজৰ দায়ো স্বীকাৰ কৰিছে ডমিন’জে৷
Continue Reading
