ডিজিটেল ডেস্কঃ ২৫ বছৰীয়া জয়ন্তীৰ পূৰ কৰিবলৈ উলাইছে 'বলীউড হাংগামা’ই। সেই উপলক্ষে প্ৰথমবাৰৰ বাবে বলীউড হাংগামা ষ্টাইল আইকনছ এৱাৰ্ড ২০২৩ৰ প্ৰদান কৰা হৈছে। তাৰকাৰে ভৰা এই নিশাটোত মনোৰঞ্জন উদ্যোগৰ অসংখ্য চেলিব্ৰিটিক সন্মান জনোৱা হয়।
তাতে অনিল কাপুৰকো ‘সৰ্বশ্ৰেষ্ঠ চিৰসেউজ আইকন’ বঁটাৰে সন্মানিত কৰা হৈছিল। অভিনেতাগৰাকীক এই বঁটা প্ৰদান কৰে অভিনেত্ৰী অমীশা পেটেলে।
‘মষ্ট ষ্টাইলিছ এভাৰগ্ৰীন আইকন’ উপাধিৰে সন্মানিত হোৱাৰ সন্দৰ্ভত অনিলে কয়, ''প্ৰথমে মই বলীউড হাংগামাক ধন্যবাদ দিব বিচাৰিছো। সকলো মনোনীত ব্যক্তি আচলতে ষ্টাইল আইকন আৰু এই মনোনীতসকলৰ মাজত জয়ী হোৱাটো মোৰ বাবে এক বৃহৎ সন্মান। আমি সকলোৱে একেলগে কেৰিয়াৰ আৰম্ভ কৰিছিলো। আমি সকলোৱে ইয়াৰ যোগ্য আৰু মই তেওঁলোকৰ হৈ এই বঁটা লওঁ।’’
অনিল কাপুৰে আৰু কয় যে, ''মই সেই ৰাস্তাৰ কাষৰ নাপিতজনক ধন্যবাদ দিব বিচাৰো, যিয়ে মোৰ চুলি কাটিছিল সেই সাত দিনৰ বাবে। মই বিচাৰিছিলো এজন গাঁৱৰ মানুহ, যি পাটিয়ালাৰ পৰা আহি হেয়াৰ-ষ্টাইল কৰিব পাৰে। মোৰ মায়ে মোৰ কাপোৰ ডিজাইন কৰিছিল। মই মাক ধন্যবাদ দিব বিচাৰিছো। তাৰ পিছত মোৰ পত্নী আৰু, শেষত মই ষ্টাইলিষ্টসকলক ধন্যবাদ জনাইছো, যিসকলে মোৰ সৈতে বছৰ বছৰ ধৰি কাম কৰিছিল।'
কাপুৰে পুৰস্কাৰ গ্ৰহণৰ পিছত কয় যে, ''মোক ষ্টাইল আইকন বনোৱাৰ বাবে আপোনালোক সকলোকে ধন্যবাদ জ্ঞাপন কৰিছোঁ, মই কেতিয়াও এইটো কল্পনা কৰা নাছিলো, মই মাত্ৰ এজন অভিনেতা, যিয়ে এজন খেলুৱৈ হ'বলৈ চেষ্টা কৰি আছে৷"
অনিল কাপুৰৰ বয়স লাহে লাহে আগবঢ়া যেন লাগিছে। কিন্তু লগতে তেওঁ এনেদৰে সাজ-পোছাক পিন্ধে যে তেওঁক তেওঁৰ আধা বয়সৰ যেন লাগে। অনিল কাপুৰৰ অনুৰাগীসকলে তেওঁৰ সাজ-পোছাকত ফেশ্বন আইডিয়াৰ অভাৱ নাপায়। লগতে তেওঁৰ ইনষ্টাগ্ৰামত ফিটনেছৰো প্ৰচুৰ প্ৰেৰণা লাভ কৰিব পাৰি। যিকোনো শৈলী, আৰ্হি বা ৰূপ কঢ়িয়াই নিব পৰা এই অভিনেতাজন নিঃসন্দেহে বলীউডৰ অন্যতম ষ্টাইলিছ চিৰসেউজ অভিনেতা।
শেহতীয়াকৈ আদিত্য ৰায় কাপুৰৰ সৈতে অভিনয় কৰা ৱেব ছিৰিজ দ্য নাইট মেনেজাৰত দেখা গৈছিল অনিল কাপুৰক। ইয়াৰ পিছত তেওঁক এনিমেল ছবিত দেখা যাব য’ত ৰণবীৰ কাপুৰ, ৰশ্মিকা মাণ্ডন্না আৰু ববি দেউলেও অভিনয় কৰিছে। ইয়াৰ উপৰিও অনিল কাপুৰৰ হৃতিক ৰোশন আৰু দীপিকা পাডুকনৰ সৈতে পৰিচালক সিদ্ধাৰ্থ আনন্দৰ একছ্ন ছবিও চুক্তিবদ্ধ হৈ আছে।
Continue Reading
