ব্যতিক্ৰমী পূজা! গোবৰৰ দমত শিশুক শুৱাই পূজা অৰ্পণ, ক’ত?

ডিজিটেল ডেস্কঃ এক ব্যতিক্ৰমী পূজা ৷ গোৱৰ্ধন পূজা, যাক অন্নকুট পূজা বুলিও জনা যায়, সৰ্বশক্তিমান ভগৱান শ্ৰী কৃষ্ণক উপাসনা কৰিবলৈ উদযাপন কৰা হয় এই পূজা৷ চলিত বৰ্ষৰ গোৱৰ্ধন পূজা ৫ নৱেম্বৰত উদযাপন কৰা হ’ল৷

কালী পূজাৰ পাছৰ দিনা উদযাপন কৰা এই উৎসৱে হিন্দু পুৰাণত এক বিশেষ স্থান দখল কৰে কিয়নো এই দিনটোত ভগৱান কৃষ্ণই গোৱৰ্ধন পৰ্বতখনক এটা আঙুলিত তুলি, গাঁওবাসী আৰু গৰুবোৰক প্ৰকৃতিৰ ক্ৰোধৰ পৰা আশ্ৰয় দি ভগৱান ইন্দ্ৰক পৰাজিত কৰিছিল৷এই উৎসৱ মূলতঃ অনুষ্ঠিত কৰা হয় মধ্য প্ৰদেশত৷ সকলোৱে জীৱনৰ দীৰ্ঘায়ু কামনা কৰাৰ লগতে শিশুৰ সু-স্বাস্থ্যৰ বাবে আয়োজন কৰা হয় গোৱৰ্ধন পূজা৷ যাদৱ সম্প্ৰদায়ৰ মহিলাসকলে বিশেষকৈ এই পূজাৰ আগ-ভাগ লয়৷

দেৱালীৰ পাছৰদিনা উদযাপন কৰা এই উৎসৱৰ যথেষ্ট প্ৰাধান্য আছে, বিশেষকৈ এই পূজাত শিশুসকলক গুবৰৰ দমত শুৱাই থয়৷ মহিলাসকলে তেওঁলোকৰ সন্তানসকলক শুৱাবলৈ একোটাকৈ গোবৰৰ দম প্ৰস্তুত কৰে পৰ্বতৰ আকাৰত আৰু তাৰ সন্তানসকলক গোবৰৰ দমত শুৱাই তেওঁলোকৰ মংগলৰ বাবে মাতৃসকলে প্ৰাৰ্থনা কৰে৷ তাৰ পাছত ভোগৰ বাবে প্ৰতিখন ঘৰৰ পৰা ক্ষীৰ-পুৰী আৰু মিঠাই লগতে গাখীৰ অনা হয়। এইটো বিশ্বাস কৰা হয় যে এই গাখীৰ খোৱা ব্যক্তিসকলৰ স্বাস্থ্য গোটেই বছৰটোতে ভালে থাকে।