ডিজিটেল ডেস্ক: কাছাৰৰ গুমড়াত প্ৰেমত প্ৰতাৰণাৰ বলি হৈ যুৱতীৰ আত্মহত্যাৰ চেষ্টা। প্ৰেমত প্ৰতাৰিত হৈ বিহ খাই আত্মহত্যাৰ চেষ্টা কৰিলে কাছাড়ৰ গুমৰা মৌগ্ৰামৰ মল্লিকা বৈষ্ণৱ নামৰ এগৰাকী যুৱতীয়ে। অভিযোগ অনুসৰি, প্ৰায় তিনি বছৰ ধৰি চলা প্ৰেম-সম্পৰ্কত বিবাহৰ প্ৰতিশ্ৰুতি দি প্ৰেমিক সঞ্জীৱ বৈষ্ণৱে যুৱতীগৰাকীৰ সৈতে দেহিক সম্পৰ্ক স্থাপন কৰিছিল।
ইয়াৰ লগতে সোণৰ অলংকাৰ, ম’বাইল ফোন, নগদ ধন লুটি লৈ যোৱাৰ অভিযোগ উঠিছে সঞ্জীৱৰ বিৰুদ্ধে।
প্ৰেমিকৰ প্ৰবঞ্চনা সহ্য কৰিব নোৱাৰি গুমৰা বজাৰ অঞ্চলত বিষাক্ত বস্তু সেৱন কৰে মল্লিকাই। ইয়াৰ ফলত তেওঁ তাতে অসুস্থ হৈ পৰে। স্থানীয় লোকসকলে তাতেই তেওঁক উদ্ধাৰ কৰি প্ৰথমে কালাইন CHC লৈ যায়। পৰৱৰ্তী সময়ত তেওঁৰ অৱস্থা সংকটজনক হোৱাত শিলচৰ মেডিকেল কলেজলৈ স্থানান্তৰ কৰা হয়। বৰ্তমান তেওঁৰ স্বাস্থ্যৰ অৱস্থা চিন্তনীয়।
ঘটনাটোকে কেন্দ্র কৰি অঞ্চলটোত তীব্ৰ চাঞ্চল্যৰ সৃষ্টি হৈছে। এতিয়ালৈকে থানাত কোনো লিখিত অভিযোগ নাই যদিও যুৱতীগৰাকীৰ পৰিয়ালে এজাহাৰ দাখিল কৰাৰ প্ৰস্তুতি চলাইছে বুলি জানিব পৰা গৈছে।
Continue Reading
