ডিজিটেল ডেস্কঃ এগৰাকী যাত্ৰীৰ নিজৰ বেগটো চাৰি বছৰ আগতে বিমানত উৰাৰ সময়ত হেৰাই গৈছিল। যাত্ৰীগৰাকীয়ে ভাবিছিল যে তেওঁ কেতিয়াও হেৰুওৱা বয়-বস্তুখিনি ঘূৰাই নাপাব। কিন্তু চাৰি বছৰৰ পিছত, হেৰুওৱা বেগটো ঘূৰাই পাবলৈ সক্ষম হ’ল ভাগ্যৱান যাত্ৰীগৰাকীয়ে। সেই মহিলা যাত্ৰীগৰাকীৰ নাম এপ্ৰিল গেভিন।
শেহতীয়াকৈ মহিলাগৰাকীয়ে সামাজিক মাধ্যমযোগে তেওঁৰ অভিজ্ঞতাৰ বিষয়ে বৰ্ণনা কৰিছে। এপ্ৰিলৰ ঘৰ আমেৰিকা যুক্তৰাষ্ট্ৰৰ অৰেগনত। ৪ আগষ্ট, ২০১৮ তাৰিখে তেওঁ ইউনাইটেড এয়াৰলাইনছৰ এখন বিমানত উঠি চিকাগোলৈ গৈ আছিল। তেতিয়াই এয়াৰলাইনটোৱে তেওঁৰ বেগটো হেৰুৱায়।
তেতিয়াৰ পৰা এপ্ৰিলে বাৰে বাৰে সংস্থাটোক তেওঁৰ বেগটো বিচাৰি উলিয়াবলৈ অনুৰোধ জনাই আহিছে। কিন্তু এয়াৰলাইনটোৱে কোনো সঁহাৰি দিব পৰা নাই।
তেতিয়াৰ পৰা প্ৰায় ৪ বছৰ পাৰ হৈ গৈছে। এপ্ৰিলে তেওঁৰ বেগটো ঘূৰাই পোৱাৰ আশাও এৰি দিছিল। কিন্তু কেইদিনমান আগতে, তেওঁ এয়াৰলাইনৰ টেক্সাছ কাৰ্যালয়ৰ পৰা এটা ফোন পাইছিল। খবৰ পালে যে তেওঁৰ বেগটো পোৱা গৈছে। এইটোও খবৰ পোৱা গৈছিল যে বেগটো দক্ষিণ আমেৰিকাৰ দেশ হণ্ডুৰাছলৈ গৈছিল! বেগটো হণ্ডুৰাছৰ পৰা টেক্সাছলৈ অনা হৈছিল। তাৰ পিছত বেগটো তেওঁৰ ওচৰলৈ ঘূৰাই দিয়া হৈছিল।
এপ্ৰিলে কয় যে যদিও বেগটোৰ কৰবাত অলপ ৰং এৰাইছে, কিন্তু বেগটো নতুনেই হৈ আছে। কেৱল হেৰুওৱা বেগটোৱেই নহয়, ক্ষতিপূৰণ হিচাপে কিছু ধনো লাভ কৰিছে এপ্ৰিলে। বিমান সংস্থাটোৱে প্ৰায় ১.৩৮ লাখ টকাৰ ক্ষতিপূৰণ পৰিশোধ কৰিছে।
Continue Reading
