ডিজিটেল ডেস্কঃ মধ্যপ্ৰদেশৰ গোৱালিয়ৰত পৰা এটা গোচৰ পোহৰলৈ আহিছে য’ত চাৰি ভৰিৰে জন্ম হ’ল এটি কন্যা সন্তান। কন্যা শিশুটি জন্ম হোৱাৰ পাছতে চিকিৎসালয়খনত আলোড়নৰ সৃষ্টি হয়। এই ঘটনাত নৱজাত শিশুটিৰ আত্মীয়সকল চিন্তিত হৈ পৰিছে। কন্যা শিশুটিক চাবলৈ চিকিৎসালয়ত যথেষ্ট ভিৰ হৈছে আৰু মানুহবোৰো আচৰিত হৈ পৰিছে। বৰ্তমান ছোৱালীজনীৰ পৰীক্ষা চলি আছে আৰু ডাক্তৰসকলে এটা ডাঙৰ পদক্ষেপ ল’বলৈ সাজু হৈছে।
এই ঘটনা সংঘটিত হৈছে মধ্যপ্ৰদেশৰ গোৱালিয়ৰত। কমলাৰাজা হাস্পতালত জন্ম হৈছে কন্যা শিশুটি। বৃহস্পতিবাৰে গভীৰ নিশা আৰতি কুশৱাহা নামৰ এগৰাকী মহিলাই চাৰি ভৰিৰ কন্যা সন্তানটি জন্ম দিয়ে। এই খবৰ ওলোৱাৰ লগে লগে ই ছচিয়েল মিডিয়াতো বিয়পি পৰিল। ইয়াৰ পিছতে ছোৱালীজনীক চাবলৈ চিকিৎসালয়ত মানুহৰ যথেষ্ট ভিৰ হৈছিল। কোনোৱে এই ছোৱালীজনীক অলৌকিক আখ্যা দিছে আৰু কোনোৱে তেওঁক অৱতাৰ বুলি গণ্য কৰিছে।
চিকিৎসকৰ এটা দলে শিশুটিৰ পৰীক্ষা আৰম্ভ কৰিছে। এটা ডাঙৰ পদক্ষেপত চিকিৎসকে এই ছোৱালীজনীৰ বাকী দুয়োখন ভৰি অস্ত্ৰোপচাৰৰ দ্বাৰা আঁতৰাই পেলোৱাৰ সিদ্ধান্ত লৈছে যদিও এতিয়াও আন বিশেষজ্ঞৰ সৈতেও আলোচনা চলি আছে। খবৰ অনুসৰি চিকিৎসকে কয় যে বৰ্তমান ছোৱালীজনীৰ পৰীক্ষা চলি আছে আৰু যদি সম্পূৰ্ণ সুস্থ হয় তেন্তে তাইৰ অতিৰিক্ত ভৰি দুখন অস্ত্ৰোপচাৰৰ দ্বাৰা আঁতৰাই পেলোৱা হ’ব।
এই ঘটনাৰ সৈতে জড়িত চিকিৎসালয়খনৰ এগৰাকী চিকিৎসকে জনাইছে যে সমগ্ৰ দেশতে এনেধৰণৰ শিশু মাত্ৰ চাৰিটাহে জন্ম হৈছে আৰু এয়া মধ্যপ্ৰদেশৰ প্ৰথমটো ঘটনা। কন্যা সন্তানটিৰ ভৰি দুখনৰ উপৰিও তাইৰ হাড় নিতম্বৰ ওপৰৰ অংশত লাগি থাকে, গতিকে দুটা অস্ত্ৰোপচাৰৰ পিছত দুয়োখন ভৰি আঁতৰাই পেলাব পাৰি। অস্ত্ৰোপচাৰৰ পিছত কেঁচুৱাটো স্বাভাৱিক অৱস্থালৈ ঘূৰি আহিব।
এই ঘটনাক চিকিৎসা ভাষাত ইছিঅ’পাগাছ বুলি জনা যায়। প্ৰতি নিযুত শিশুৰ ভিতৰত এটা শিশুৰ এনেদৰে অতিৰিক্ত অংগ গঢ় লৈ উঠে।
Continue Reading
