ডিজিটেল ডেস্কঃ কোটি কোটি জনসংখ্যাৰে ভৰি থকা ভাৰতবৰ্ষত চৰকাৰে যিটোে হাৰ প্ৰতিবছৰে চাকৰি সৃষ্টি কৰিব পাৰিব লাগিছিল তেনেদৰে পৰা নাই৷ মোদীৰ চৰকাৰে কাৰ্যভাৰ গ্ৰহণ কৰাৰ পিছত এতিয়ালৈকে মাত্ৰ কেইলাখমান নিবনুৱাইহে চাকৰি লাভ কিবলৈ সক্ষম হৈছে মোদীৰ চৰকাৰে শেহতীয়াকৈ ঘোষণা কৰিছে যে শীঘ্ৰে দেশত নতুনকৈ ১০ লাখ চাকৰি সৃষ্টি কৰা হ’ব৷
কিন্তু কোটি কোটি নিবনুৱাৰে ভৰি থকা ভাৰতত সেই ১০ লাখ চাকৰি এপাচি শাকত এটা জালুকৰ দৰেহে হ’ব বুলি বহুতে মন্তব্য কৰিছে৷ চৰকাৰে কেৱল সাধাৰণ চাকৰিয়েই নহয়, প্ৰশাসনিক দিশৰো কেইবা হাজাৰ পদ আজিও পূৰণ কৰিব পৰা নাই৷ ভাৰতত বৰ্তমান ১,৪৭২ টা আইএএছ আৰু ৮৬৪ টা আইপিএছৰ পদ পূৰণ নোহোৱাকৈ পৰি ৰৈছে৷ একেদৰে ১,০৫৭ জন ভাৰতীয় বন সেৱা (আইএফএছ)ৰ বিষয়াৰ পদো খালী হৈ আছে । লোকসভাত এই তথ্য সদৰী কৰিছে কেন্দ্ৰীয় কৰ্মচাৰী দপ্তৰৰ ৰাজ্যিক মন্ত্ৰী জীতেন্দ্ৰ সিঙে৷
দেশত আই.এ.এছ. বিষয়াসকলৰ অনুমোদিত পদৰ সংখ্যা হৈছে ৬,৭৮৯, আই.পি.এছ. বিষয়াৰ অনুমোদিত পদৰ সংখ্যা হৈছে ৪,৯৮৪ জন আৰু আই.এফ.এছ.-ৰ বাবে ৩,১৯১ জন । কেন্দ্ৰীয় কৰ্মচাৰী দপ্তৰৰ ৰাজ্যিক মন্ত্ৰী জীতেন্দ্ৰ সিঙে এক লিখিত প্ৰশ্নৰ উত্তৰত কয়যে ২০২২ চনৰ ১ জানুৱাৰীলৈকে এই পদসমূহৰ বহু কেইটা পদ খালী হৈ আছে।ইয়াৰ ভিতৰত ক্ৰমান্বয়ে ৫,৩১৭ জন আইএএছ বিষয়া, ৪,১২০ জন আইপিএছ বিষয়া আৰু ২,১৩৪ জন আইএফএছ বিষয়াৰ পদ পূৰণ হৈ আছে বুলি তেওঁ কয়।
Continue Reading
