ডিজিটেল ডেস্কঃ চাপ বৃদ্ধি পালে নেশ্যনেল ৰেছলিং ফেডাৰেচনৰ সভাপতি ব্রিজভূষণ শৰণ সিঙৰ৷ ব্ৰিজভূষণৰ বিৰুদ্ধে মহিলা মল্লযুঁজাৰুৱে যৌন নিৰ্যাতনৰ অভিযোগ তুলি প্ৰতিবাদী মল্লযোদ্ধাসকলে হিংসা বিয়পাব পৰা কোনো ধৰণৰ মন্তব্য কৰা নাছিল। এই কথা শুকুৰবাৰে আদালতত কয় দিল্লী আৰক্ষীয়ে।
ইপিনে, আন্তঃৰাষ্ট্ৰীয় ৰেফাৰী জগবীৰ সিঙৰ বিস্ফোৰক দাবীয়ে ব্রিজভূষণৰ ওপৰত আৰু চাপ বৃদ্ধি কৰিছে৷ তেওঁ কয় যে যোৱা বছৰ লক্ষ্ণৌত অনুষ্ঠিত এছিয়ান চেম্পিয়নশ্বিপৰ সময়ত এটা ঘটনা সংঘটিত হৈছিল। এগৰাকী মহিলা মল্লযুঁজাৰুৱে কয় যে ব্রিজভূষণে ফটো তুলি থকাৰ সময়তে মহিলা খেলুৱৈগৰাকীক আপত্তিকৰভাৱে স্পৰ্শ কৰিছিল। ইয়াৰ পিছত তেওঁক কিবা কোৱা হয়, যাৰ পিছত মহিলাগৰাকী তাৰ পৰা গুচি যায়।
ৰেফাৰীগৰাকীৰ এই দাবীৰ লগে লগে ব্রিজভূষণৰ বিৰুদ্ধে উত্থাপিত অভিযোগ অধিক শক্তিশালী হৈ পৰা বুলি ধাৰণা কৰা হৈছে৷
উল্লেখ্য যে আচলতে কেন্দ্ৰীয় ক্ৰীড়া মন্ত্ৰী অনুৰাগ ঠাকুৰে শেহতীয়াকৈ মল্লযুঁজাৰুসকলক সাক্ষাৎ কৰিছিল। বৈঠকৰ অন্তত প্ৰতিবাদকাৰী মল্লযুঁজাৰুসকলে কয় যে কেন্দ্ৰই ১৫ জুনৰ ভিতৰত তদন্ত সম্পূৰ্ণ কৰিবলৈ নিৰ্দেশ দিছে। সেইবাবেই আৰক্ষীয়ে তৎপৰতা প্ৰদৰ্শন কৰা বুলি ধাৰণা কৰিছে সচেতন মহলে।
Continue Reading
