ডিজিটেল ডেস্কঃ এটা বিজ্ঞাপনৰ বাবে দেশজুৰি সমালোচিত হৈছে তামিলনাডুৰ ষ্টালিন চৰকাৰ৷দক্ষিণ ভাৰতৰ ৰাজ্যখনত ভাৰতীয় মহাকাশ গৱেষণা সংস্থা (ইছৰো)ৰ নতুন মহাকাশ বন্দৰৰ বিজ্ঞাপনত চীনৰ পতাকা থকা ৰকেট দেখাৰ পাছতে তামিলনাডু চৰকাৰ আক্ৰমণৰ লক্ষ্য হৈ পৰিল।
তামিলনাডুৰ মীন মন্ত্রী অনিতা ৰাধাকৃষ্ণনে প্রধানমন্ত্রী নৰেন্দ্র মোদীয়ে কুলাছেকৰাপট্টিনামৰ ইছৰোৰ মহাকাশ বন্দৰৰ আধাৰশিলা স্থাপন কৰাৰ লগতে প্রাক্তন মুখ্যমন্ত্রী কৰুণানিধি আৰু তেওঁৰ পুত্র তথা বর্তমানৰ মুখ্যমন্ত্রী এম কে ষ্টালিনৰ প্রচেষ্টাক উজ্জ্বল কৰি তোলাৰ উদ্দেশ্যে এই বিজ্ঞাপনটো নিৰ্মাণ কৰিছিল৷
কিন্তু বিজ্ঞাপনটোত চীনৰ ৰাষ্ট্ৰীয় পতাকাৰে সজ্জিত কম্পিউটাৰত নিৰ্মিত ৰকেট এটা প্ৰদৰ্শন কৰা হৈছিল, যাৰ ফলত বিজেপিয়ে শাসকীয় ডিএমকেৰ বিৰুদ্ধে সৰৱ হৈ পৰে৷প্ৰধানমন্ত্ৰীয়ে ডিএমকেক লক্ষ্য কৰি লৈ বিজেপি নেতৃত্বাধীন কেন্দ্ৰৰ প্ৰকল্পসমূহত ক্ৰেডিট ল’বলৈ চেষ্টা কৰাৰ অভিযোগ উত্থাপন কৰে ৷
বিজেপিৰ ৰাজ্যিক সভাপতি কে আন্নামলায়ে স্থানীয় দৈনিক কাকতত প্ৰকাশ পোৱা এই বিজ্ঞাপনটোক গৰিহণা দি ডিএমকেৰ বিৰুদ্ধে দেশৰ সাৰ্বভৌমত্বক অৱজ্ঞা কৰাৰ অভিযোগ উত্থাপন কৰে।
উল্লেখ্য যে, তামিলনাডুৰ দ্বিতীয়টো কুলাছেকাৰপট্টিনামৰ ইছৰোৰ মহাকাশ বন্দৰ ভাৰতৰ মহাকাশ গৱেষণাৰ বাবে এক উল্লেখযোগ্য উন্নয়ন হ’ব, য’ত ক্ষুদ্ৰ উপগ্ৰহ উৎক্ষেপণ বাহন (এছ এছ এল ভি) উৎক্ষেপণৰ ওপৰত গুৰুত্ব আৰোপ কৰা হৈছে। আগন্তুক দিনত মহাকাশ প্ৰযুক্তি আৰু অন্বেষণৰ ক্ষেত্ৰত ভাৰতৰ সামৰ্থ বৃদ্ধিৰ ক্ষেত্ৰত এই পদক্ষেপে এক গুৰুত্বপূৰ্ণ পদক্ষেপ গ্ৰহণ কৰিব।
Continue Reading
