ডিজিটেল ডেস্কঃ আগ্ৰাসী ৰূপ ধাৰণ কৰি চীনত পুনৰ কোভিডে সংহাৰ চলাইছে৷ চীনত শেহতীয়াকৈ বিএফ৭ৰ সংক্ৰমণ বৃদ্ধি হোৱাৰ মাজতে কেইবাজনো প্ৰখ্যাত শিল্পী, অভিনেতা, অপেৰা গায়ক, চলচ্চিত্ৰ পৰিচালক আৰু লেখকে প্ৰাণ হেৰুৱাইছে।
চীনৰ মূল ভূখণ্ডত অভিনেতা ঝাং মু, ৰেন জুন, চু লানলান, চেং জিংহুয়া, য়ু য়ুহেং, জিয়ং ইংঝেং, হাউ মেংলান আৰু ঝাও ঝিয়ুৱানৰ দৰে কেইবাজনো অভিনেতাই কোভিডত প্ৰাণ হেৰুৱাইছে। চলচ্চিত্ৰত মাও জেদঙৰ চৰিত্ৰ ৰূপায়ণ কৰা অভিনেতা ঝাং মুৰ যোৱা নিষা কোভিডত আক্ৰান্ত হৈ মৃত্যু হয়। ঝাং এজন কেলিগ্ৰাফাৰ আৰু চাইনা অপেৰা এণ্ড ডান্স ড্ৰামা থিয়েটাৰ অপেৰা দলৰ পৰিচালক আছিল।
ঝাঙৰ জন্ম ১৯৩০ চনত হৈছিল আৰু ১৬ বছৰ বয়সতে উত্তৰ-পূব চীনত চিচিপি বিপ্লৱী বাহিনীত যোগদান কৰিছিল। ২১ বছৰ বয়সত তেওঁ চিচিপিৰ কলা দলত অপেৰা গায়ক হিচাপে যোগদান কৰিছিল। চীনত শেহতীয়াকৈ কোভিডত অভিনেতা চং বাওগুয়াঙৰ মৃত্যু ঘটিছে৷ চঙে জিয়াংচু প্ৰভিন্সিয়েল এছ'চিয়েচন অফ ষ্টেজ পাৰফৰ্মাৰ্ছৰ উপ-সঞ্চালক হিচাপে কাৰ্যনিৰ্বাহ কৰিছিল আৰু জিয়াংচু প্ৰাদেশিক আইনসভাৰো সদস্য আছিল।
একেদৰে কোভিডত আক্ৰান্ত হৈয়েই শিল্পী ৰেন জুনৰ ১৭ ডিচেম্বৰত বেইজিঙত মৃত্যু হৈছে৷ ৷ আন এগৰাকী শিল্পী , চিত্ৰ নাট্যকাৰ য়াং লিনৰ ২১ ডিচেম্বৰত হেনান প্ৰদেশত কোভিডত আক্ৰান্ত হৈয়েই মৃত্যু হয়৷
Continue Reading
