ডিজিটেল ডেস্কঃ বিশ্ব এথলেটিকছত ঈৰ্ষণীয় সফলতাৰ পাছত বিশ্বজুৰি সমাদৃত হৈছে কিম্বদন্তি ভাৰতীয় এথলিট নীৰজ চোপ্ৰা৷কিন্তু এইবাৰ নীৰজৰ চৰ্চাৰ মাজতে সকলোৰে দৃষ্টি আকৰ্ষণ কৰিছে নীৰজ চোপ্ৰাৰ মাতৃয়ে৷ 'গোল্ডেন বয়'ৰ মাতৃয়ে এজন সাংবাদিকক উত্তৰ দিয়াৰ পাছতে ৰাইজৰ হৃদয় জয় কৰিবলৈ সক্ষম হৈছে,প্ৰশ্নটিত তেওঁৰ পুত্ৰই পাকিস্তানী এথলীটৰ বিৰুদ্ধে নিজৰ পুত্ৰৰ জয়ৰ কথা সোধাত এক হৃদয়স্পৰ্শী উত্তৰ প্ৰদান কৰে।
৮৮.১৭ মিটাৰৰ উচ্চ নিক্ষেপেৰে পুৰুষৰ শিতানত জেভেলিন নিক্ষেপ ইভেণ্টৰ ফাইনেলত পাকিস্তানৰ আৰ্শ্বাদ নাদীমক এক মিটাৰতকৈও কম ব্যৱধানত পৰাস্ত কৰি দেশৰ হৈ প্ৰথমবাৰৰ বাবে সোণৰ পদক লাভ কৰে৷
সোণৰ পদক লাভ কৰাৰ পাছত বিশ্ব চেম্পিয়নগৰাকীৰ পিতৃ-মাতৃৰ কাষ চাপে কেইবাটাও সংবাদ মাধ্যম ।সংবাদমেলৰ সময়ত এজন সাংবাদিকে তেওঁৰ মাতৃ সৰোজ দেৱীক সুধিলে যে তেওঁৰ পুত্ৰই পাকিস্তানী এথলীটক পৰাস্ত কৰা দেখি কেনে অনুভৱ হৈছে। এই কথাত তেওঁ উত্তৰ দিলে, “চাওক, সকলোৱে খেলপথাৰত খেলিবলৈ আহিছে যিকোনো এজন নিশ্চিতভাৱে জয়ী হ’বই। গতিকে, পাকিস্তান বা হাৰিয়ানাৰ কোন স্থানৰ সেইধৰণৰ কোনো প্ৰশ্নই নাহে,সেই পাকিস্তানীজন জয়ী হ’লেও বহুত সুখ অনুভৱ হ’লহেঁতেন।’
Continue Reading
