চেনিতকৈ গুড় বেছি উপকাৰী নেকি, ডায়েবেটিছ ৰোগীয়ে চেনি এৰি গুৰ খোৱাটো উচিতনে, সবিশেষ জানো আহক

ডিজিটেল ডেস্ক : গুৰ আৰু চেনিৰ সন্দৰ্ভত প্ৰায়ে এটা প্ৰশ্ন উত্থাপন হয় যে চেনিতকৈ গুৰ স্বাস্থ্যকৰ নেকি? ডায়েবেটিছ ৰোগীয়ে গুৰ সেৱন কৰিব পাৰেনে? গুৰ খোৱা ব্যক্তিৰ সঁচাকৈ ডায়েবেটিছ নহয় নেকি? এনে বহু প্ৰশ্ন সঘনাই উত্থাপন হোৱা দেখা যায়। সেয়েহে এনে কিছুমান প্ৰশ্নৰ উত্তৰ বিচাৰি কেইটামান কথা জানো আহক।

 গুৰ আৰু চেনিৰ মাজত কি বেছি উপকাৰী?

ওজন হ্ৰাস আৰু ছুগাৰৰ মাত্ৰা নিয়ন্ত্ৰণৰ কথা আহিলে গুৰ আৰু চেনি দুয়োটা একে। এনে অৱস্থাত কাকো ভাল বুলি ক’ব নোৱাৰি। কাৰণ গুৰ আৰু চেনি দুয়োটাতে একে পৰিমাণৰ কেলৰি থাকে। কিন্তু চেনিৰ পৰা কেৱল কেলৰিহে পোৱা যায়, ইয়াত অন্যান্য পুষ্টিকৰ উপাদানৰ অভাৱ হয়। কিন্তু গুড়ৰ পৰা কেলৰিৰ উপৰি ভিটামিন, খনিজ পদাৰ্থ আৰু আইৰন, কেলছিয়াম, ফছফৰাছ আদি পুষ্টিকৰ উপাদান পোৱা যায়। সেয়ে চেনিতকৈ গুড় অধিক স্বাস্থ্যকৰ।

 গুৰ আৰু চেনি কেতিয়া খাব লাগে?

বতৰৰ কথা ক’বলৈ গ’লে শীতকালত গুড় আৰু গ্ৰীষ্মকালত চেনি খোৱা উচিত। কিন্তু সামান্য পৰিমাণৰ গুৰ গোটেই বছৰটো সেৱন কৰিব পাৰি আৰু একেদৰে চেনিও সীমিত পৰিমাণত সেৱন কৰিব পাৰি। গুড়ৰ সোৱাদ গৰম। সেয়ে শীতকালত শৰীৰক উষ্ণতা প্ৰদান কৰি শীতৰ পৰা সুৰক্ষা পাব পাৰে। শীতকালত গাখীৰৰ লগত গুড়েৰে বনোৱা চাহ খাব পাৰে।

ডায়েবেটিছৰ পৰা হাত সাৰিবলৈ কি কৰিব লাগে?

যদি আপোনাৰ ছুগাৰৰ মাত্ৰা অধিক আৰু আপুনি ডায়েবেটিছ হোৱাৰ দিশে আগবাঢ়িছে বা আপোনাৰ পৰিয়ালৰ ইতিহাসত ডায়েহোটিছ ৰোগী আছে, তেন্তে আপুনি গুৰ আৰু চেনি খোৱা বন্ধ কৰাৰ প্ৰয়োজন নাই। বৰঞ্চ সীমিত ব্যৱহাৰ কৰি জীৱনশৈলী সুস্থ কৰি ৰাখক। ডায়েবেটিছৰ পৰা হাত সাৰিবলৈ হ’লে ৰিফাইনড চেনি আৰু আল্ট্ৰা প্ৰচেছড পেকেট ফুড খোৱাৰ পৰা বিৰত থকা উচিত।