ডিজিটেল ডেস্কঃ ধোনীৰ অনুৰাগে এইবাৰৰ আইপিএলত উন্মাদনাৰ সৃষ্টি কৰিছে৷ শেহতীয়াকৈ চেন্নাই ছুপাৰ কিংছৰ খেলৰ সময়ত এটা দম্পত্তীয়ে গেলেৰীৰ পৰা মহেন্দ্ৰ সিং ধোনীক তেওঁলোকৰ বিয়ালৈ নিমন্ত্ৰণ কৰে।
দিল্লী কেপিটেলছৰ বিৰুদ্ধে খেলৰ সময়ত চেন্নাইৰ চিপক গেলেৰীত দেখা গ’ল নৱবিবাহিত দম্পতীহালক। দুয়োজনে চেন্নাইৰ জাৰ্চি পিন্ধিছিল। হাতত এখন পোষ্টাৰ। তাত লিখা আছে, “পূৰ্বৰ মেচখনত আমি ধোনীক আমাৰ বিয়ালৈ মাতিছিলো। কিন্তু ধোনি যাব নোৱাৰিলে। গতিকে আমি আকৌ নিমন্ত্ৰণ জনাবলৈ আহিছো৷’’
Covid ৰ বাবে বিগত তিনি বছৰে চেন্নাইৰ খেলপথাৰত আইপিএলৰ খেলা হোৱা নাছিল। এইবাৰ খেলা হৈছে। প্ৰতিখন খেলতে দৰ্শকে ষ্টেডিয়াম ভৰপূৰ কৰি তুলিছে। কেৱল চেন্নাইতে নহয়, য’তেই ধোনী গৈছে, তাতেই হৃদয় জিনিছে৷
এইবাৰ আই পি এলৰ সময়ত ধোনীয়ে কয় যে তেওঁ কেৰিয়াৰৰ শেষত উপনীত হৈছে। ইয়াৰ পিছত ধোনিৰ অৱসৰৰ জল্পনা-কল্পনা আৰম্ভ হ’ল। অৱশ্যে ধোনীয়ে অৱসৰৰ কথা এতিয়াও মুখ মেলিব পৰা নাই।
এইবাৰ আই পি এলত চেন্নাইৰ ছন্দ ভাল। ১২খন খেলত ১৫ পইণ্ট লাভ কৰি পইণ্ট তালিকাৰ দ্বিতীয় স্থানত আছে ধোনীবাহিনী। যদিহে চেন্নাই আৰু অন্ততঃ এখন মেচত জয়ী হ’ব পাৰে তেন্তে প্লে অফ নিশ্চিত হ’ব৷
Continue Reading
