উত্তৰ প্ৰদেশৰ ইটাৱাত ঘৰৰ ছাদৰ পৰা বাগৰি পৰে এগৰাকী মহিলা। খৰখেদাকৈ পৰিয়ালৰ লোকে তেওঁক জিলা চিকিৎসালয়লৈ লৈ যায়। তাতে চিকিৎসকে তেওঁক মৃত ঘোষণা কৰে। আৰক্ষীয়ে মৃতদেহটো জিম্মাত লৈ মৰণোত্তৰ পৰীক্ষাৰ বাবে প্ৰেৰণ কৰে। মৃতকৰ আঠ বছৰীয়া কন্যাৰ অভিযোগ অনুসৰি পিতৃয

Listen to Article

2 min read

80%

ডিজিটেল ডেস্কঃ উত্তৰ প্ৰদেশৰ ইটাৱাত ঘৰৰ ছাদৰ পৰা বাগৰি পৰে এগৰাকী মহিলা। খৰখেদাকৈ পৰিয়ালৰ লোকে তেওঁক জিলা চিকিৎসালয়লৈ লৈ যায়। তাতে চিকিৎসকে তেওঁক মৃত ঘোষণা কৰে। আৰক্ষীয়ে মৃতদেহটো জিম্মাত লৈ মৰণোত্তৰ পৰীক্ষাৰ বাবে প্ৰেৰণ কৰে। মৃতকৰ আঠ বছৰীয়া কন্যাৰ অভিযোগ অনুসৰি পিতৃয়ে প্ৰথমে মাতৃক ডিঙি চেপি হত্যা কৰিছিল। ইয়াৰ পিছত তেওঁক ছাদৰ পৰা তললৈ পেলাই দিয়া হৈছিল।

মহিলাগৰাকীৰ স্বামী ৰাজীৱ কুমাৰ পেছাত এগৰাকী শিক্ষক। ১১ বছৰ আগতে তেওঁলোকৰ বিবাহ হৈছিল। তেওঁলোকৰ আঠ বছৰীয়া কন্যাও আছে। কন্যাই পিতৃৰ বিৰুদ্ধে মাতৃক হত্যা কৰাৰ অভিযোগ উত্থাপন কৰিছে। কন্যাই কয় যে ৰাতি তাই মাকৰ লগত শুই আছিল। সেইসময়তে পিতৃয়ে মাতৃক ডিঙি চেপি হত্যা কৰে। তাৰপাছত তেওঁক ছাদৰ পৰা তললৈ পেলাই দিয়ে।

ইয়াৰ পিছত পিতৃয়ে ঘৰৰ সকলোকে কয় যে তেওঁৰ পত্নী ছাদৰ পৰা তললৈ পৰি গৈছে। সেই কথা মিছা বুলি জনায় কন্যাই। মৃত মহিলাগৰাকীৰ ভগ্নী গুড্ডিয়ে কয় যে আমাক ৰাজীৱে কৈছিল যে চিৰিৰ পৰা পৰি বাইদেউৰ মৃত্যু হৈছে।

আৰক্ষীয়ে জনায় যে "নিজ কন্যাই পিতৃয়ে মাতৃক হত্যা কৰি ছাদৰ পৰা তললৈ পেলাই দিয়াৰ অভিযোগ উত্থাপন কৰিছে, গতিকে এই সন্দৰ্ভত আৰক্ষীয়ে তদন্ত কৰি আছে। আমি মৃতদেহটোৰ মৰণোত্তৰ পৰীক্ষাৰ ৰিপ'ৰ্টৰ বাবে অপেক্ষা কৰি আছো। বৰ্তমান ৰাজীৱ কুমাৰ পলাতক হৈ আছে। আৰক্ষীয়ে তেওঁক গ্ৰেপ্তাৰ কৰিবলৈ এটা দল গঠন কৰিছে।"