ডিজিটেল ডেস্কঃ ছালখন জিলিকাবলৈ এই ৫টা বস্তু মুখত লগাব পাৰে, প্ৰাকৃতিক গ্লো ওলাবলৈ আৰম্ভ কৰিব। সকলোৱে মুখখন ধুনীয়া কৰি ৰাখিব বিচাৰে। মহিলাসকলে নিজৰ ছালত বহু বস্তু লগাই ভাল পায় যাতে মুখখন পুষ্টিকৰ হৈ থাকে। মুখৰ ছালখনে বহু কথাৰ মাজেৰে পাৰ হ’বলগীয়া হয়। প্ৰদূষণ, ধূলি, অস্বাস্থ্যকৰ খাদ্য, মানসিক চাপ, এই সকলোবোৰে ছালত প্ৰভাৱ পেলায়। মুখখন জিলিকি থাকিবলৈ মুখত কিছুমান বস্তু লগাব পাৰে।
১) বেচন আৰু গাখীৰঃ মুখখন জিলিকিবলৈ হ’লে আমাৰ খাদ্যাভ্যাস ভাল হোৱাটো অতি প্ৰয়োজনীয়। অস্বাস্থ্যকৰ খাদ্যাভ্যাসে আপোনাৰ ছালত বিপুল প্ৰভাৱ পেলায়। মুখৰ ছাল শুকান আৰু নিস্তেজ হৈ পৰে। ছালৰ ক্ষতিৰ পৰা ৰক্ষা পাবলৈ গ্ৰাম বেচনত গাখীৰ মিহলাই পেষ্ট বনাই মুখত লগাব লাগে। গাখীৰে ক্লিনজাৰ হিচাপে কাম কৰে, যাৰ ফলত মুখখন সম্পূৰ্ণ পৰিষ্কাৰ হয়।
২) অমিতাঃ অমিতা ছালৰ বাবে অতি উপকাৰী। মুখখন জিলিকি উঠাত ই আপোনাক বহুত সহায় কৰে। মুখখন জিলিকি থকা কৰি তুলিবলৈ পকা অমিতা খাব লাগে আৰু মুখতো লগাব পাৰে। আপুনি ইয়াক গুড়ি কৰি ১৫ মিনিটৰ বাবে মুখত লগাব। ২০ মিনিটৰ পাছত পৰিষ্কাৰ পানীৰে মুখখন ধুব।
৩) কফিঃ বহুতে কফি খাই ভাল পায়। মুখত কফি লগালেও ভাল। চেনী আৰু কফি ভালদৰে মিহলাই লোৱাৰ পিছত মুখত লগাব লাগে। ইয়াৰ পিছত হাতেৰে ভালদৰে স্ক্রাব কৰিব লাগে। চেনি আৰু কফিয়ে প্ৰাকৃতিক স্ক্ৰাবাৰ হিচাপে ভাল কাম কৰে। মুখৰ পৰা মৃত কোষ আঁতৰোৱাত ই আপোনাক বহুত সহায় কৰে।
৪) নাৰিকল তেলঃ নাৰিকল তেলেৰেও মুখখন ভালদৰে মালিচ কৰিব পাৰে। মুখৰ ছাল উজ্জ্বল কৰাত ই অতি উপকাৰী। প্ৰতি নিশা শোৱাৰ আগতে এই কাম কৰিব লাগে। গোলাপজলেও আপোনাক বহুত সহায় কৰে। ঘৰতে ছালত গ্লো আনিবলৈ প্ৰতি নিশা গোলাপজলেৰে ছাল পৰিষ্কাৰ কৰিব লাগে। ইয়াৰ দ্বাৰা শুকান ছালৰ পৰা মুক্তি পোৱা যায়।
৫) ছালকুঁৱৰীঃ মুখখন জিলিকি উঠাৰ বাবে এলোভেৰা বা ছালকুঁৱৰী অতি উপকাৰী। ই আপোনাৰ ছালখনক যৌৱনপুষ্ট আৰু হাইড্ৰেটেড কৰি ৰখাত বহুত সহায় কৰে। ইচ্ছা কৰিলে ফেচ পেক বা মাস্ক বনাই মুখত লগাব পাৰে।
Continue Reading
