ডিজিটেল ডেস্কঃ ইণ্ডিয়ান প্ৰিমিয়াৰ লীগৰ যোৱা কেইটামান ছিজনত ছানৰাইজাৰ্ছ হায়দৰাবাদ দলৰ প্ৰদৰ্শন যথেষ্ট হতাশাজনক। এই সময়ছোৱাত ফ্ৰেঞ্চাইজিটোৱেও বহু ডাঙৰ পৰিৱৰ্তন সাধন কৰিছিল যদিও দলটোৰ প্ৰদৰ্শনত ইয়াৰ প্ৰভাৱ একেবাৰেই দেখা নগ’ল। ষ্টেডিয়ামত হায়দৰাবাদৰ খেলৰ সময়ত দলটোৰ স্বতাধিকাৰী কাব্যা মাৰাণৰ হতাশ মুখখনো ছ’চিয়েল মিডিয়াত ভাইৰেল হৈ পৰিছে। এতিয়া ছুপাৰষ্টাৰ অভিনেতা ৰজনীকান্তই এই সন্দৰ্ভত ফ্ৰেঞ্চাইজিক এটা ডাঙৰ পৰামৰ্শ দিছে।
ছানৰাইজাৰ্ছ হায়দৰাবাদ সন্দৰ্ভত ছুপাৰষ্টাৰ ৰজনীকান্তে কয় যে টিভিত কাব্যা মাৰাণৰ মুখখন হতাশ হোৱাটো সুখকৰ নহয়। জেইলৰৰ অডিঅ’ লঞ্চ উপলক্ষে থালাইভাই কয় যে কাব্যা মৰাণৰ পিতৃ কালানিতি মৰাণে ছানৰাইজাৰ্ছ হায়দৰাবাদ দলত ভাল খেলুৱৈক অন্তৰ্ভুক্ত কৰিব লাগে। আই পি এলৰ খেলৰ সময়ত কাব্যা মাৰাণক টিভিত ইমান হতাশ হোৱা দেখি মোৰ ভাল নালাগে।
আই পি এল ২০২৩ত ছানৰাইজাৰ্ছ হায়দৰাবাদ দলৰ প্ৰদৰ্শন অতি দুৰ্বল আছিল। কেন উইলিয়ামছনৰ দল এৰি যোৱাৰ পাছত এই ছিজনত এইডেন মাৰ্ক্ৰামৰ নেতৃত্বত দলটোৱে খেলিবলৈ আহিছিল। ইয়াৰ ফলত প্ৰদৰ্শনত বিশেষ প্ৰভাৱ পৰা নাছিল আৰু দলটোৱে ছিজনটো শেষ স্থানত শেষ কৰিছিল। ১৪খন মেচত ছানৰাইজাৰ্ছ হায়দৰাবাদ দলটোৱে মাত্ৰ ৪খন খেলত জয়লাভ কৰিবলৈ সক্ষম হৈছিল আৰু ১০খন খেলত পৰাজয়ৰ সন্মুখীন হ’বলগীয়া হৈছিল।
এতিয়া পৰৱৰ্তী ছিজনৰ পূৰ্বে দলৰ পৰা বহু খেলুৱৈৰ মুক্তিৰ লগে লগে প্ৰশিক্ষক কৰ্মচাৰীৰ মাজতো এক ডাঙৰ পৰিৱৰ্তন দেখা যায়। ইয়াত দলৰ প্ৰশিক্ষক ব্রায়ান লাৰাক নিজৰ পদৰ পৰা আঁতৰাই পেলোৱাৰ সম্ভাৱনা আছে৷
Continue Reading
