ডিজিটেল ডেস্কঃ মোদী চৰকাৰৰ বাবে সকাহৰ খবৰ। দেশৰ নগৰ অঞ্চলত হ্ৰাস পাইছে নিবনুৱাৰ হাৰ। ২০২২ চনৰ অক্টোবৰ-ডিচেম্বৰৰ পৰা ২০২৩ চনৰ অক্টোবৰ-ডিচেম্বৰৰ ভিতৰত ১৫ বছৰৰ ওপৰৰ লোকৰ নিবনুৱাৰ হাৰ ৭.২ শতাংশৰ পৰা ৬.৫ শতাংশলৈ হ্ৰাস পাইছে।
এন এছ এছ অ’ (ৰাষ্ট্ৰীয় নমুনা জৰীপ কাৰ্যালয়)-এ ২০২৩ চনৰ অক্টোবৰৰ পৰা ডিচেম্বৰলৈকে সময়ে সময়ে শ্ৰম শক্তি জৰীপ বুলেটিন প্ৰকাশ কৰিছে। এই তথ্য অনুসৰি ২০২২ চনৰ অক্টোবৰ-ডিচেম্বৰ ত্ৰৈমাসিকৰ তুলনাত ২০২৩ চনৰ অক্টোবৰ-ডিচেম্বৰ মাহত চহৰ অঞ্চলত ১৫ বছৰৰ ওপৰৰ লোকৰ নিবনুৱাৰ হাৰ ৭.২ শতাংশৰ পৰা ৬.৫ শতাংশলৈ হ্ৰাস পাইছে। পুৰুষৰ নিবনুৱাৰ হাৰ ৬.৫ শতাংশৰ পৰা ৫.৮ শতাংশলৈ হ্ৰাস পোৱাৰ বিপৰীতে মহিলাৰ নিবনুৱাৰ হাৰ ৯.৬ শতাংশৰ পৰা ৮.৬ শতাংশলৈ হ্ৰাস পাইছে।
তথ্য অনুসৰি চহৰ অঞ্চলত বাস কৰা লোকসকলৰ মাজত লেবাৰ ফৰ্চৰ অংশগ্ৰহণৰ হাৰ (LFPR) বৃদ্ধি পাইছে আৰু ১৫ বছৰৰ ওপৰৰ লোকৰ ক্ষেত্ৰত ই ৪৮.২ শতাংশৰ পৰা ৪৯.৯ শতাংশলৈ বৃদ্ধি পাইছে। এই সময়ছোৱাত মহিলা শ্ৰমিক শক্তিৰ অংশগ্ৰহণো বৃদ্ধি পাইছে। মহিলাসকলৰ মাজত ই ২২.৩ শতাংশৰ পৰা ২৫ শতাংশলৈ বৃদ্ধি পাইছে।
এই সময়ছোৱাত ১৫ বছৰৰ ওপৰৰ লোকৰ মাজত শ্ৰমিক জনসংখ্যা অনুপাত (WPR) বৃদ্ধি হোৱা দেখা গৈছে। ২০২২ চনৰ অক্টোবৰ-ডিচেম্বৰত ৪৪.৭ শতাংশৰ পৰা ২০২৩ চনৰ অক্টোবৰ-ডিচেম্বৰত ৪৬.৬ শতাংশলৈ বৃদ্ধি পাইছে। পুৰুষৰ মাজত ৬৮.৬ শতাংশৰ পৰা ৬৯.৮ শতাংশলৈ বৃদ্ধি পোৱাৰ বিপৰীতে মহিলাৰ মাজত ২০.২ শতাংশৰ পৰা ২২.৯ শতাংশলৈ বৃদ্ধি পাইছে।
এই সমীক্ষাত এন এছ অ’ই মূলতঃ- সেই চহৰ অঞ্চলসমূহক লক্ষ্য কৰি লৈছে য’ত শ্ৰমিক জনসংখ্যাৰ অনুপাত, শ্ৰমিক শক্তিৰ অংশগ্ৰহণৰ হাৰ, নিবনুৱাৰ হাৰ দেখা যায়। ২০২৩ চনৰ অক্টোবৰ - ডিচেম্বৰৰ ভিতৰত ৫৬৯৭টা ইউএফএছ ব্লকৰ ৪৪৫৪৪টা ঘৰত ১৬৯২০৯জন লোকৰ মাজত এই সমীক্ষা চলোৱা হৈছে।
Continue Reading
