৭ ছেপ্টেম্বৰত হ’ব চন্দ্ৰগ্ৰহণ! জ্যোতিষৰ মতে গৰ্ভৱতী মহিলাই কৰিব নালাগে এই ৪টা ভুল

ডিজিটেল ডেস্কঃ চলিত বৰ্ষৰ অন্তিম আৰু দ্বিতীয় চন্দ্ৰগ্ৰহণ অহা ৭ ছেপ্টেম্বৰত হ’বলৈ গৈ আছে। এই চন্দ্ৰগ্ৰহণ ভাৰতত দেখা যাব। নিশা ৯:৫৮ বজাৰ পৰা গভীৰ নিশা ১:২৬ বজালৈ চন্দ্ৰগ্ৰহণ চলিব। এনে পৰিস্থিতিত চন্দ্ৰগ্ৰহণৰ মুঠ সময় ৩ ঘন্টা ২৮ মিনিট হ’বলৈ গৈ আছে।

নিশা ১২:৫৭ বজাৰ পৰা আৰম্ভ হ’ব চন্দ্ৰগ্ৰহণৰ সুতক। জ্যোতিষৰ মতে চন্দ্ৰগ্ৰহণ জ্যোতিৰ্বিজ্ঞানৰ এক গুৰুত্বপূৰ্ণ পৰিঘটনা যদিও ধৰ্মীয় দৃষ্টিকোণৰ পৰাও ইয়াক অতি গুৰুত্বপূৰ্ণ বুলি গণ্য কৰা হয়।

বিশ্বাস কৰা হয় যে এই সময়ছোৱাত পৰিৱেশত ঋণাত্মক শক্তি অধিক হয়। গতিকে গৰ্ভৱতী মহিলাসকলক এই সময়ত কিছু বিশেষ সাৱধানতা অৱলম্বন কৰিবলৈ পৰামৰ্শ দিয়া হৈছে।

গৰ্ভৱতী মহিলাই কি কি ভুল কৰিব নালাগে?

১) চন্দ্ৰগ্ৰহণৰ সময়ত গৰ্ভৱতী মহিলাই ঘৰৰ বাহিৰলৈ যোৱাটো অশুভ। গ্ৰহণৰ ৰশ্মিয়ে গৰ্ভত বৃদ্ধি পোৱা ভ্ৰুণৰ ওপৰত নেতিবাচক প্ৰভাৱ পেলাব পাৰে।

২) এই সময়ছোৱাত গৰ্ভৱতী মহিলাই কেঁচি, ব্লেড, কটাৰী বা কোনো ধৰণৰ চোকা বস্তু ব্যৱহাৰ কৰিব নালাগে। এই দিনটোত চোকা বস্তু বা যন্ত্ৰৰ ব্যৱহাৰ গৰ্ভৱতী মহিলা আৰু তেওঁলোকৰ ভ্ৰুণৰ বাবে ক্ষতিকাৰক বুলি বিবেচিত হয়।

৩) চন্দ্ৰগ্ৰহণ আৰু ইয়াৰ সুতক কালত খাদ্য ৰন্ধা বা খোৱাতো নিষিদ্ধ। বিশ্বাস কৰা হয় যে গ্ৰহণৰ ঋণাত্মক শক্তিয়ে খাদ্য দূষিত কৰে, যাৰ ফলত গৰ্ভস্থ শিশুৰ ওপৰত বেয়া প্ৰভাৱ পৰিব পাৰে। অৱশ্যে গৰ্ভৱতী মহিলাই প্ৰয়োজন সাপেক্ষে লঘু আৰু সাত্বিক খাদ্য গ্ৰহণ কৰিব পাৰে।

৪) চন্দ্ৰগ্ৰহণৰ সময়ত গৰ্ভৱতী মহিলা চন্দ্ৰৰ পোহৰৰ প্ৰত্যক্ষ সংস্পৰ্শলৈ আহিব নালাগে। ইয়াৰ বাবে দুৱাৰ-খিৰিকী বন্ধ কৰি ৰখাটো উপযুক্ত বুলি বিবেচিত হয়।