ডিজিটেল ডেস্কঃ বৰ্তমান বলীউডৰ অন্যতম নিপুণ অভিনেতা পংকজ ত্ৰিপাঠী। কিছুদিন পাছত মুক্তি পাব অভিনেতা গৰাকীৰ নতুন ছবি ‘মে অটল হুঁ’। প্ৰাক্তন প্ৰধানমন্ত্ৰী অটল বিহাৰী বাজপেয়ীৰ বায়’পিকত ত্ৰিপাঠীৰ ৰূপ ইতিমধ্যে প্ৰকাশ পাইছে। ১৯ জানুৱাৰীত মুক্তি পাব ছবিখনে। ফলত পংকজ ত্ৰিপাঠ ছবিখনৰ প্ৰচাৰত ব্যস্ত হৈ পৰিছে। পংকজে বাৰে বাৰে এটা প্ৰশ্নৰ সন্মুখীন হ’বলগীয়া হয়। তেওঁক বিভিন্ন সাক্ষাৎকাৰত সোধা হৈছে যে আচলতে তেওঁৰ ৰাজনীতিৰ প্ৰতি কিবা প্ৰৱণতা আছে নেকি? কলেজীয়া দিনত পংকজ ত্ৰিপাঠী ‘অখিল ভাৰতীয় বিদ্যাৰ্থী পৰিষদ’ৰ সদস্য আছিল। এই বিষয়টো সম্পৰ্কত তেওঁ কয় যে বিহাৰত সকলোৱেই ৰাজনীতিবিদ।
পংকজে কয়,“ মই কেতিয়াও মন্ত্ৰী হ’ব বিচৰা নাছিলোঁ। অৱশ্যে ৰাজনীতিৰ পথত থকাৰ হেঁপাহ আছিল। কিন্তু আৰক্ষীৰ মাৰপিটৰ পাছত আৰু গ্ৰেপ্তাৰ হোৱাৰ পিছত ৰাজনীতিৰ সকলো চখৰ অন্ত পৰিল। ইয়াৰ পিছত অধিক নাটক, ক্ৰীড়াৰ আগ্ৰহ বৃদ্ধি পায়। ইমানবোৰ নাটক আৰু অভিনয় চোৱাৰ পাছত এইসমূহৰ প্ৰতি মোৰ আকৰ্ষণ বাঢ়ি আহিল। এটা সময়ত ময়ো আন্দোলনত যোগদান কৰিছিলোঁ। আনকি এসপ্তাহ জেলত কটাবলগীয়া হৈছিল।”
উল্লেখযোগ্য যে কিছুদিন আগতে তেওঁ অভিনয় বাদ দিয়াৰ কথা উল্লেখ কৰিছিল। পংকজে কয়, ‘মে অটল হুঁ’ৰ প্ৰচাৰ শেষ হ’লেই সকলো এৰি দিম। মই প্ৰথমে ৮ ঘণ্টা টোপনি বিচাৰো।”
Continue Reading
