ডিজিটেল ডেস্কঃ জনপ্ৰিয় মডেল পুনম পাণ্ডেৰ আজি মৃত্যু হয়। ৩২ বছৰ বয়সতে মৃত্যুক সাবটি লয় পুনমে। পুনম পাণ্ডেৰ মৃত্যুৰ কাৰণ হৈছে ছাৰ্ভাইকেল কেন্সাৰ। দেশত দ্ৰুতগতিত বৃদ্ধি পাইছে ছাৰ্ভাইকেল কেন্সাৰ ৰোগী। ১ ফেব্ৰুৱাৰীত অন্তৱৰ্তীকালীন বাজেট দাখিল কৰাৰ সময়ত বিত্তমন্ত্ৰী নিৰ্মলা সীতাৰমণে এই সন্দৰ্ভত এক ডাঙৰ ঘোষণা কৰিছে।
ছাৰ্ভাইকেল কেন্সাৰৰ বেছিভাগ ক্ষেত্ৰতে মহিলাৰ ক্ষেত্ৰত দেখা দিয়ে। এক প্ৰতিবেদন অনুসৰি ভাৰতত প্ৰতি বছৰে ১.২৫ লাখ লোক ছাৰ্ভাইকেল কেন্সাৰত আক্ৰান্ত হয়। এই ৰোগে প্ৰতি বছৰে প্ৰায় ৭৫ হাজাৰ লোকৰ প্ৰাণ কাঢ়ি লৈ যায়।
জৰায়ুৰ মুখৰ কৰ্কট ৰোগৰ সংখ্যা বৃদ্ধি পোৱাৰ বাবে কেন্দ্ৰীয় চৰকাৰে এই ৰোগ প্ৰতিৰোধৰ বাবে অন্তৱৰ্তীকালীন বাজেটত এক গুৰুত্বপূৰ্ণ সিদ্ধান্ত গ্ৰহণ কৰিছে। বাজেট ভাষণৰ সময়ত বিত্তমন্ত্ৰীগৰাকীয়ে কয় যে দেশৰ কন্যা শিশুক বিনামূলীয়াকৈ টিকাকৰণ দিয়া হ’ব।
চৰকাৰে ঘোষণা কৰিছে যে দেশত ৯-১৪ বছৰ বয়সৰ কন্যাক বিনামূলীয়াকৈ টিকাকৰণৰ ব্যৱস্থা কৰা হ’ব। দেশত এই বয়সৰ ছোৱালীৰ সংখ্যা প্ৰায় আঠ কোটি। বিদ্যালয়সমূহত টিকাকৰণ অভিযান চলোৱা হ’ব।
ছাৰ্ভাইকেল কেন্সাৰ প্ৰতিৰোধৰ বাবে বৰ্তমান বজাৰত উপলব্ধ হিউমেন পেপিলোমা ভাইৰাছ (HPV) ভেকচিন। অৱশ্যে ইয়াৰ দাম এতিয়াও যথেষ্ট বেছি। আশা কৰা হৈছে যে যদি বৃহৎ পৰিসৰত টিকাকৰণ হয় তেন্তে ইয়াৰ মূল্য বহু পৰিমাণে হ্ৰাস পাব পাৰে।
ছাৰ্ভাইকেল কেন্সাৰ কি?
যিকোনো কেন্সাৰত শৰীৰৰ কোষবোৰ অস্বাভাৱিক আৰু অনিয়ন্ত্ৰিতভাৱে বৃদ্ধি হ’বলৈ আৰম্ভ কৰে। কৰ্কট ৰোগক সদায় শৰীৰৰ সেই অংশৰ নামেৰে জনা যায় য’ত কেন্সাৰ আৰম্ভ হয়। গতিকে জৰায়ুৰ মুখত কেন্সাৰ আৰম্ভ হ’লে ইয়াক ছাৰ্ভাইকেল কেন্সাৰ বুলি কোৱা হয়।
ছাৰ্ভাইকেল কেন্সাৰ হৈছে জৰায়ুৰ তলৰ অংশৰ (UTS) এটা মাৰাত্মক টিউমাৰ, যিটো জৰায়ুৰ তলৰ অংশৰ পৰা আৰম্ভ হৈ ওপৰৰ যোনিৰ সৈতে সংযোগ হয়, যাক ছাৰ্ভাইক্স বোলা হয়। বেছিভাগ ছাৰ্ভাইকেল কেন্সাৰ হিউমেন পেপিলোমা ভাইৰাছ (HPV) সংক্ৰমণৰ ফলত হয়।
হিউমেন পেপিলোমা ভাইৰাছ (HPV) হৈছে এনে এবিধ ভাইৰাছৰ গোট যাৰ ভিতৰত ১০০ৰো অধিক প্ৰকাৰ আৰু প্ৰায় ৩০ প্ৰকাৰে যৌনাংগৰ অংশত প্ৰভাৱ পেলাব পাৰে। ইয়াৰে ১৪টা কেন্সাৰ সৃষ্টিকাৰী, যিবোৰক উচ্চ বিপদজনক এইচ পি ভি হিচাপে শ্ৰেণীভুক্ত কৰা হৈছে। এই ভাইৰাছৰ দুবিধ ভাইৰাছৰ ফলত ৭০ শতাংশ ছাৰ্ভাইকেল কেন্সাৰ আৰু ছাৰ্ভাইকেল লেছিন হয়। এই ভাইৰাছে লিংগ, মলদ্বাৰ, যোনি আৰু অৰোফেৰিংছৰ কৰ্কট ৰোগ সৃষ্টি কৰাৰ প্ৰমাণ পোৱা গৈছে।
কিহৰ ফলত ছাৰ্ভাইকেল কেন্সাৰ হয়?
১)হিউমেন পেপিলোমা ভাইৰাছ (HPV)- ই হৈছে যৌন সংক্ৰামক ভাইৰাছ, ইয়াৰে ১০০ৰো অধিক প্ৰকাৰৰ ভিতৰত প্ৰায় ১৪ প্ৰকাৰে ছাৰ্ভাইকেল কেন্সাৰ সৃষ্টি কৰে।
২)অসুৰক্ষিত যৌন সম্পৰ্ক – এইচ পি ভি আক্ৰান্ত ব্যক্তিৰ লগত যৌন সম্পৰ্ক স্থাপন কৰিলে এইচ পি ভি বিয়পে। লগতে যিসকল মহিলাই এজনতকৈ অধিক সংগীৰ সৈতে যৌন সম্পৰ্ক স্থাপন কৰিছে বা কম বয়সতে যৌন সম্পৰ্ক স্থাপন কৰিছে, তেওঁলোকৰ ছাৰ্ভাইকেল কেন্সাৰ হোৱাৰ সম্ভাৱনা বেছি।
৩)গৰ্ভাৱস্থা – যিসকল মহিলাই তিনিটা বা তাতকৈ অধিক সন্তান জন্ম দিছে, তেওঁলোকৰ এই কৰ্কট ৰোগৰ সম্ভাৱনা বেছি।
৪)গৰ্ভ নিৰোধক বড়ি- দীৰ্ঘদিন ধৰি জন্ম নিয়ন্ত্ৰণৰ বড়ি বা গৰ্ভ নিৰোধক বড়ি ব্যৱহাৰ কৰিলেও কৰ্কট ৰোগৰ সম্ভাৱনা বৃদ্ধি পায়।
৫) যৌন সংক্ৰামক ৰোগ – যিসকল মহিলাৰ চিফিলিছ, গনোৰিয়া, বা ক্ল’মাইডিয়া ৰোগত আক্ৰান্ত হৈছে তেওঁলোকৰ ছাৰ্ভাইকেল কেন্সাৰ হোৱাৰ সম্ভাৱনা বেছি।
৬) ধূমপান কৰা- ধূমপান কৰা মহিলাসকলৰো এই ৰোগৰ সম্ভাৱনা বেছি।
৭) মানসিক চাপ- দীৰ্ঘদিন ধৰি মানসিক চাপত থাকিলেও ছাৰ্ভাইকেল কেন্সাৰৰ সম্ভাৱনা বৃদ্ধি পায়।
ছাৰ্ভাইকেল কেন্সাৰৰ লক্ষণসমূহ কি কি?
ছাৰ্ভাইকেল কেন্সাৰৰ প্ৰাৰম্ভিক পৰ্যায়ত কোনো লক্ষণ দেখা নাযায়। কিন্তু সময়ৰ লগে লগে ই গুৰুতৰ হৈ পৰাৰ লগে লগে ইয়াৰ লক্ষণবোৰ দেখা দিবলৈ আৰম্ভ কৰে। যদি আপুনি তলত দিয়া কোনো লক্ষণ দেখা পায় তেন্তে চিকিৎসকৰ পৰামৰ্শ লৈ ছাৰ্ভাইকেল কেন্সাৰ চিনাক্ত কৰাটো প্ৰয়োজনীয়
লক্ষণসমূহ
১) ভৰি ফুলা।
২) যৌন সংগমৰ সময়ত বিষ অনুভৱ কৰা আৰু তেজ ওলোৱা
৩) অনিয়মিত মাহেকীয়া।
৪) অত্যধিক ৰক্তক্ষৰণ।
৫) প্ৰস্ৰাৱ ওলোৱাত অসুবিধা।
৬) পেলভিক বিষ যিটো পিৰিয়ডৰ লগত জড়িত নহয়।
৭) ওজন কমি যোৱা।
৮) ভোক কমি যোৱা।
৯) কোনো কাৰণ নোহোৱাকৈ খং অনুভৱ কৰা।
১০) হাড়ৰ বিষ।
১১) বৃক্ক বিকল হোৱা।
১২) মেনোপজৰ পাছতো হঠাতে তেজ ওলোৱা।
Poonam Pandey Death News Source Source- https://www.hindustantimes.com/entertainment/tv/poonam-pandey-death-cervical-cancer-age-32-model-team-confirms-101706856173302.html
Continue Reading
