ছ’চিয়েল মিডিয়াত সামান্থাৰ মুকলি চিঠি, কি আছে চিঠিখনত?

ডিজিটেল ডেস্কঃ স্বাধীন জীৱন-যাপন পছন্দ কৰে ভাৰতৰ দক্ষিণৰ নায়িকা সামান্থা ৰুথ প্ৰভুৱে। তেওঁৰ কাম আৰু কথাত ইয়াৰ প্ৰমাণ বিদ্যমান। টুইটাৰ, ইনষ্টাগ্ৰাম আৰু ফেচবুকত প্ৰায়ে সমালোচনাৰ সন্মুখীন হোৱা দেখিবলৈ পোৱা যায় সামান্থাক। সামান্থাই যিয়েই নকৰক কিয় প্ৰায়ে নেতিবাচক মন্তব্যৰ সন্মুখীন হৈ আহিছে তেওঁ। এইবাৰ সামান্থাই সমালোচক সকলক উদ্দেশ্যি মন্তব্য কৰিছে। ভাৰতীয় সংবাদ মাধ্যম এক প্ৰতিবেদন অনুসৰি, সামান্থাই অলপতে মুম্বাইত এটা বঁটা প্ৰদৰ্শনীত উপস্থিত হৈছিল। সেই অনুষ্ঠানটোত তেওঁ পিন্ধা পোছাকৰ বাবে সামাজিক মাধ্যমত তিক্ত সমালোচনাৰ সন্মুখীন হ’বলগীয়া হৈছিল সামান্থাই। এই সন্দৰ্ভত, ইনষ্টাগ্ৰাম ষ্ট’ৰীত মহিলাসকলৰ প্ৰতি সমাজৰ দৃষ্টিভংগী কেনে হোৱা উচিত এই বিষয়ে এক দীঘলীয়া ষ্টেটাছ লিখিছে সামান্থাই। সামান্থাই লিখিছে, ‘চৌদিশে মহিলাক চোৱা দৃষ্টিভংগীক লৈ এগৰাকী নাৰী হিচাপে মোৰ অভিজ্ঞতা আছে। আমি এগৰাকী মহিলাক তেওঁৰ পোছাক, জাতি, শিক্ষা, সামাজিক স্থিতি , ছালৰ ৰং আদিক লৈ বিচাৰ কৰোঁ। কাৰোবাৰ পোছাক চাই তাৰ বিচাৰ কৰাটো অতি সহজ। ' তেওঁ লগতে লিখিছে যে , ‘কেৱল পোছাকেই নহয়, পোছাকৰ বিভিন্ন অংশক লৈয়ো মহিলাসকলকে নানা বিচাৰ কৰে। এইসকলোবোৰ বন্ধ কৰাটো কিমান গুৰুত্বপূৰ্ণ। আমি এতিয়া ২০২২ চনৰ নাগৰিক। আমি এগৰাকী মহিলাক আমাৰ ভাল দৃষ্টিভংগীৰে চাওঁ আহক। আমি নিজকে উন্নত কৰাৰ ওপৰত গুৰুত্ব দিব নোৱাৰোঁনে? আমাৰ ব্যক্তিগত আদৰ্শ আনৰ ওপৰত জাপি দিয়াটো কিমান যুক্তিসংগত? আমি এজন ব্যক্তিক যিধৰণে চাওঁ বা বুজি পাওঁ, সেই দৃষ্টিভংগী এবাৰ সলনি কৰো আহক।’