ছেইফৰ বোৱাৰী হ'ব নেকি শ্ৰীদেৱীৰ কন্যা? ইব্ৰাহিম-খুছীৰ সম্পৰ্কক লৈ চলিছে তীব্ৰ চৰ্চা

ডিজিটেল ডেস্কঃ ছেইফ আলী খানৰ পুত্ৰ ইব্ৰাহিম আলী খান আৰু শ্ৰীদেৱীৰ কন্যা খুছী কাপুৰ বৰ্তমান সংবাদ মাধ্যমৰ শিৰোনাম হৈ পৰিছে। বলীউডত ঘুনুক-ঘানাককৈ শুনিবলৈ পোৱা গৈছে যে ইব্ৰাহিম আৰু খুছীৰ মাজত চলিছে হিয়া দিয়া নিয়া। তেওঁলোক আছে প্ৰেমৰ সম্পৰ্কত। শেহতীয়াকৈ তেওঁলোকে একেলগে হোলী খেলি থকা ফটো পোহৰলৈ অহাৰ পিছৰে পৰা সংবাদ মাধ্যমত গুঞ্জন চলি আছে। নেটিজেনসকলৰ মাজতো তেওঁলোকক লৈ চৰ্চা আৰম্ভ হৈছে।ছেইফ আলী খানৰ জীয়ৰী চাৰা আলী খান বলীউডৰ এগৰাকী অভিনেত্ৰী হৈ পৰিছে। অৱশ্যে ইব্ৰাহিম আলী খানে এতিয়ালৈকে বলীউডত আত্মপ্ৰকাশ কৰা নাই। কেমেৰাৰ পিছফালৰ পৃথিৱীত থাকিয়ে ভালপায় ইব্ৰাহিমে। ছেইফ আলী খানৰ প্ৰথম পত্নী অমৃতা সিঙৰ পুত্ৰ ইব্ৰাহিম। আনহাতে শ্ৰীদেৱীৰ জীয়ৰী জাহ্নৱী কাপুৰে ইতিমধ্যে বলীউডত নিজৰ স্থান সুদৃঢ় কৰিছে। অৱশ্যে শ্ৰীদেৱীৰ সৰু জীয়ৰী খুছী কাপুৰে এতিয়াও অভিনেত্ৰী হিচাপে বলীউডত ভৰি থোৱা নাই। ইব্ৰাহিম আৰু খুছীয়ে বলীউডত ভৰি থোৱাৰ পূৰ্বৰে পৰা সংবাদ শিৰোনাম দখল কৰিবলৈ সক্ষম হৈছে। ইব্ৰাহিম আৰু খুছীয়ে খুব আনন্দৰে একলগে হোলী খেলি থকাৰ ফটো ভাইৰেল হৈ পৰিছে ছ'চিয়েল মিডিয়াত। এই কথাই তেওঁলোকৰ প্ৰেমৰ গুঞ্জনক অধিক তীব্ৰ কৰি তুলিছে। উল্লেখ্য যে এতিয়ালৈকে দুয়ো মনোৰঞ্জন জগতত ভৰি নিদিলেও তেওঁলোকৰ অনুৰাগীৰ সংখ্যা কম নহয়। ছ'চিয়েল মিডিয়াত তেওঁলোকৰ বহুসংখ্যক অনুৰাগী আছে। আৰু পঢ়কঃ কুকুৰৰ ভুকনিত অতিষ্ঠ হৈ ১৭ বছৰীয়া কিশোৰে হত্যা কৰিলে কুকুৰৰ গৰাকীক