ডিজিটেল ডেস্কঃ ২০১০ চনৰ পৰা ইনষ্টাগ্ৰামৰ যাত্ৰা আৰম্ভ হৈছিল। ইয়াৰ পিছত এই ছচিয়েল মিডিয়া বহুবাৰ সলনি হৈছে। ইনষ্টাগ্ৰাম পৰিগণতি হৈছে উপাৰ্জন আৰু মনোৰঞ্জনৰ মাধ্যম। ক্রিষ্টিয়ানো ৰোনাল্ডোৰ পৰা আৰম্ভ কৰি আপোনাৰ ঘৰৰ কাষৰ ছোৱালীজনীও ইনষ্টাগ্ৰাম তাৰকা হ’ব পাৰে। চাওঁ আহক ইনষ্টাগ্ৰামত বেছি ফ’ল’ৱাৰ্ছ থকা শীৰ্ষ দহৰ ভিতৰত কোন কোন মহিলা চেলিব্ৰেটি আছে?
মহিলাৰ ভিতৰত ইনষ্টাগ্ৰামত সৰ্বাধিক ফ’ল’ৱাৰ আছে ছেলেনা গোমেজৰ। এসময়ত ছ’চিয়েল মিডিয়াত প্ৰফাইল খুলিবলৈ বৰ অনিচ্ছুক আছিল ছেলেনা। কিন্তু খোলাৰ লগে লগে অনুসৰণকাৰীৰ সংখ্যা জাঁপ মাৰি বাঢ়ি গ’ল। ছেলেনাই নিজৰ ইনষ্টাগ্ৰাম একাউণ্টত নিজৰ দৈনন্দিন জীৱনৰ ছবি শ্বেয়াৰ কৰে। কেতিয়াবা তেওঁ ৰন্ধা-বঢ়া কৰা দেখা যায়, কেতিয়াবা ব্যায়াম কৰা দেখা যায়। ছ’চিয়েল মিডিয়াত প্ৰায়ে মানসিক স্বাস্থ্য আৰু হতাশাৰ কথা কয় ছেলেনাই।
ইনষ্টাগ্ৰামত ফ’ল’ৱাৰৰ ফালৰ পৰা পঞ্চম স্থানত আছে কাইলী জেনাৰ। তেওঁৰ অনুগামীৰ সংখ্যা ৩৮ কোটি। ২০১৯ চনত ফৰ্বছে তেওঁক আটাইতকৈ কম বয়সীয়া ‘স্ব-নিৰ্মিত’ কোটিপতি হিচাপে ঘোষণা কৰিছিল। কাইলীৰ নিজাকৈ প্ৰসাধন সামগ্ৰী কোম্পানী আছে। ৰিয়েলিটি শ্ব’তো অংশ লৈছিল তেওঁ।
সপ্তম স্থানত আছে গায়িকা আৰিয়ানা গ্ৰেণ্ডে। তেওঁ প্ৰায়ে নিজৰ জীৱন, ঘৰ আৰু পোহনীয়া জন্তুৰ ছবি দিয়ে। ইনষ্টাগ্ৰামত আৰিয়ানাৰ ৩৫.৭ মিলিয়ন ফ’ল’ৱাৰ আছে।
যি কৰে সিয়েই খবৰ হৈ যায়। তেওঁ ইনষ্টাগ্ৰামত চৰ্চিত হোৱাটো স্বাভাৱিক। ফ’ল’ৱাৰৰ সংখ্যাৰ ফালৰ পৰা অষ্টম স্থানত আছে কিম কাৰ্দাছিয়ান। তেওঁৰ অনুগামীৰ সংখ্যা ৩৪ কোটি ৬০ লাখ।
কিমৰ পিছত আছে গায়িকা বিয়ন্স ন’লছ। ইনষ্টাগ্ৰামত তেওঁৰ ২৯.৭ মিলিয়ন ফ’ল’ৱাৰ আছে। শেহতীয়াকৈ ‘লেমনেড’ এলবামটো মুক্তি পোৱাৰ পিছত ছ’চিয়েল মিডিয়াত বিয়’ন্সেৰ জনপ্ৰিয়তা অধিক বৃদ্ধি পালে। ইনষ্টাগ্ৰামত জনপ্ৰিয়তাৰ ক্ষেত্ৰত তেওঁৰ এগৰাকী ভগ্নী ক্ল’ কাৰ্দাছিয়ানকো কিমৰ সৈতে ৰেংকিঙত ৰখা হৈছে। ক্ল’ৰ অনুগামীৰ সংখ্যা ২৯৫ মিলিয়ন। ইয়াৰ পূৰ্বে পপ গায়ক জাষ্টিন বিবাৰ অনুগামীৰ সংখ্যাৰ ক্ষেত্ৰত শীৰ্ষ দহৰ তালিকাত নৱম স্থানত আছিল। তেওঁৰ ঠাইত ক্ল’ই সেই ঠাই ল’লে। আন এগৰাকী ভগ্নী কেণ্ডেল জেনাৰো পিছ পৰি থকা নাই।
