ডিজিটেল ডেস্কঃ এক বৈপ্লৱিক পৰিৱৰ্তনৰ দিশে দেশৰ শিক্ষা ব্যৱস্থা৷পিছ,ৰ’ব! যদি আপুনি ভাবিছে যে এই বৈপ্লৱিক পৰিৱৰ্তন পাঠ্যক্ৰম অথবা আনুষ্ঠানিক কাৰ্যকলাপত অনা হ’ব তেন্তে ভুল ভাবিছে৷প্ৰধানমন্ত্ৰী নৰেন্দ্ৰ মোদীৰ ফটোৰে ছেল্ফী পইণ্ট স্থাপন কৰিবলৈ নিৰ্দেশ দিয়াৰ এসপ্তাহৰ পাছত সোমবাৰে (১১ ডিচেম্বৰ) বিশ্ববিদ্যালয় অনুদান আয়োগে বিশ্ববিদ্যালয়সমূহক প্ৰধানমন্ত্ৰীৰ ভাষণ শুনিবলৈ ছাত্ৰ-ছাত্ৰী আৰু অধ্যাপকসকলক আহ্বান জনায়।
দ্য টেলিগ্ৰাফৰ প্ৰতিবেদন অনুসৰি মোদীয়ে ভিডিঅ’ কনফাৰেন্সিঙৰ জৰিয়তে ‘উন্নত ভাৰত২০৪৭:- যুৱ কণ্ঠ’ৰ পৰামৰ্শ কাৰ্যসূচীত ভাষণ দিব। বিশ্ববিদ্যালয়সমূহক তেওঁলোকৰ কেম্পাছৰ পৰাই এই কাৰ্যসূচী চোৱাৰ ব্যৱস্থা কৰিবলৈ কোৱা হৈছে।
ইপিনে কেম্পাছত চৰকাৰী অপপ্ৰচাৰৰ প্ৰচাৰৰ বাবে উচ্চ শিক্ষা নিয়ন্ত্ৰক (ইউজিচি)ৰ এই পদক্ষেপক একাংশ শিক্ষাবিদ আৰু সাংসদে সমালোচনা কৰিছে।ইউ জি চিৰ সম্পাদক মনীষ যোশীয়ে দেশৰ সকলো বিশ্ববিদ্যালয়লৈ লিখা এখন পত্ৰত কোৱা হৈছে যে, ‘আপোনালোকক অনুৰোধ জনোৱা হৈছে যে আপোনাৰ সুনামধন্য প্ৰতিষ্ঠানত অনুষ্ঠানটোৰ লাইভ টেলিকাষ্ট দেখুৱাবলৈ প্ৰয়োজনীয় ব্যৱস্থা কৰক।’
এই সন্দৰ্ভত ডি এম কেৰ সাংসদ পি উইলছনে কয় যে ইউ জি চিয়ে বিশ্ববিদ্যালয়সমূহক চেলফি পইণ্ট স্থাপন কৰিবলৈ দিয়া নিৰ্দেশনা আৰু প্ৰধানমন্ত্ৰীৰ ভাষণ চাবলৈ ছাত্ৰ-ছাত্ৰীক কোৱাটো চৰকাৰী অপপ্ৰচাৰৰ অংশ হিচাপে আখ্যা দিয়ে।
Continue Reading
