ডিজিটেল ডেস্কঃ ছিৰিয়াত আমেৰিকাই ভয়ংকৰ বিমান আক্ৰমণ চলাইছে। তথ্য অনুসৰি এই আক্ৰমণত আইছিছ আৰু আল কায়দাৰ ৩৭টা সন্ত্ৰাসবাদী নিহত হৈছে। দেওবাৰে আমেৰিকাৰ সেনাই কয় যে চলিত মাহত ছিৰিয়াত দুটা পৃথক আক্ৰমণত আইছিছ আৰু আল কায়দাৰ সৈতে জড়িত সশস্ত্ৰ সংগঠনৰ কেইবা ডজন যোদ্ধাক হত্যা কৰা হৈছে।
দেওবাৰে আমেৰিকাৰ চেণ্ট্ৰেল কমাণ্ডে প্ৰকাশ কৰা এক বিবৃতিত কয় যে ১৬ ছেপ্টেম্বৰত মধ্য ছিৰিয়াত বৃহৎ পৰিসৰৰ বিমান আক্ৰমণত চাৰিজন জ্যেষ্ঠ নেতাকে ধৰি প্ৰায় ২৮টা সন্ত্ৰাসবাদী নিহত হৈছে। নিহতসকলক চিনাক্ত কৰা হোৱা নাই যদিও এই আক্ৰমণে আইছিছৰ “আমেৰিকাৰ স্বাৰ্থৰ লগতে তেওঁলোকৰ মিত্ৰ আৰু অংশীদাৰ দেশসমূহৰ বিৰুদ্ধে অভিযান চলোৱাৰ ক্ষমতাত বাধাৰ সৃষ্টি কৰিব বুলি কোৱা হৈছে।
উল্লেখ্য যে, ২৪ ছেপ্টেম্বৰত উত্তৰ-পশ্চিম ছিৰিয়াত সংঘটিত আক্ৰমণত ৯ জন যোদ্ধা নিহত হয়। ইয়াৰ ভিতৰত আছিল মাৰৱান বাছাম, আব্দ আল-ৰৌফ, এজন জ্যেষ্ঠ হুৰাছ আল-দিন নেতা। আল কায়দাৰ সৈতে জড়িত গোটটোৰ জ্যেষ্ঠ নেতৃত্বক লক্ষ্য কৰি যোৱা কেইমাহমানৰ ভিতৰত এইটোৱেই আছিল দ্বিতীয়টো আক্ৰমণ। আগষ্ট মাহত এক প্ৰতিবেদনত ছিৰিয়াত আক্ৰমণ চলাই আবু আল ৰহমান আল-মাক্কিক হত্যা কৰাৰ কথা প্ৰকাশ কৰিছিল।
Continue Reading
