ছলমানৰ পৰা ‘সন্তান’ বিচাৰিছে ৰাণী মুখাৰ্জীয়ে! ভাইজানে পূৰাব পাৰিবনে ৰাণীৰ অপূৰ্ণ আশা?

ডিজিটেল ডেস্কঃ ছলমান খান-বলীউডৰ ভাইজান। যাৰ নাম শুনা মাত্ৰকে ছবিগৃহত বীৰ‌ দি বাট নোপোৱা অৱস্তা হয়!  বলীউডৰ এলিজিবল বেচলৰ হিচাপেও পৰিচিত তেওঁ। ছলমানৰ বিয়াক লৈয়ো গুঞ্জনৰ অন্ত নাই। তেওঁৰ জীৱনলৈ আহি বলীউডৰ বহুতো নায়িকা। পাছে এসময়ৰ প্ৰেমিকা আজি আন কাৰোবাৰ জীৱন সংগী। সোণাক্ষী সিংহাৰ সৈতেও বিবাহৰ গুঞ্জন উঠিছিল ভাইজানৰ। ছলমানৰ বিবাহক লৈ এইবাৰ মুখ খুলিছে ৰাণী মুখাৰ্জীয়ে। যিমানদূৰ সম্ভৱ ছলমানে সোনকালে পিতৃ হোৱাটো বিচাৰে ৰাণী মুখাৰ্জীয়ে। শেহতীয়াকৈ, অভিনেত্ৰীগৰাকীয়ে নিজেই এক বিবৃতিত এই মন্তব্য কৰা দেখা গৈছে। ৰাণী মুখাৰ্জীৰ এই মন্তব্যৰ পাছতে তোলপাৰ লাগিছে সামাজিক মাধ্যমত। পাছে ছলমানে পিতৃ হোৱা বিচৰাৰ আঁৰৰ কাহিনী বেলেগ। ৰাণী মুখাৰ্জীৰ জীয়ৰীৰ সৈতে খেলাৰ সংগী নাই বাবে ছলমানে পিতৃ হোৱাটো বিচাৰিছে ৰাণীয়ে। ব্যংগ কৰি অভিনেত্ৰীগৰাকীয়ে এই মন্তব্য কৰা দে‌খা গৈছে। এসময়ত ৰাণী মখাৰ্জীৰ সৈতেও ছলমান খানৰ প্ৰেমৰ সম্পৰ্কক লৈ সংবাদ মাধ্যমত গুজৱ শুনিবলৈ পোৱা গৈছিল। তেওঁলোকৰ সম্পৰ্কক কেন্দ্ৰ কৰি এসময়ত কম চৰ্চা হোৱা নাছিল। শেহতীয়াকৈ, অভিনেত্ৰীগৰাকীৰ এই মন্তব্যৰ পাছত পুনৰ বাতৰিৰ শিৰোনাম দখল কৰিছে ছলমান খান আৰু ৰাণী মুখাৰ্জীয়ে। স্মৰ্তব্য যে, ৰাণী মুখাৰ্জীও বলীউডৰ এগৰাকী জনপ্ৰিয় অভিনেত্ৰী। অভিনেত্ৰীগৰাকীয়ে মাতৃ হোৱাৰ পিছতো নিজকে টঙাই ৰাখিছে বলীউডত। অভিনেত্ৰীগৰাকীয়ে ইতিমধ্যে ৱেব প্লেটফৰ্মতো ভৰি দিছে। ’৯০ ৰ দশকৰ অন্যতম শ্ৰেষ্ঠ যুটি আছিল ছলমান-ৰাণী। কিন্তু বৰ্তমান ৰাণী মুখাৰ্জী আদিত্য চোপ্ৰাৰ পত্নী। যশ চোপ্ৰাৰ জ্যেষ্ঠ পুত্ৰ আদিত্যৰ সৈতে বিবাহ পাশত আৱদ্ধ হৈছিল এইগৰাকী মোহময়ী অভিনেত্ৰী।