কি জগৰ লগালে শ্বাহৰূখ খানে? ছুপাৰষ্টাৰক লৈ অসুন্তুষ্টি সুস্মিতাৰ, পলকতে ভাইৰেল ভিডিঅ’

ডিজিটেল ডেস্কঃ শ্বাহৰূখ খানে বলীউড ইন্ডাষ্ট্ৰিত ইতিমধ্যে বহু বছৰ অতিক্ৰম কৰিছে। ’৯০ ৰ দশকৰ জনপ্ৰিয় অভিনেতাসকলৰ ভিতৰত অন্যতম শ্বাহৰূখ খান। সেই সময়ত শ্বাহৰূখ খান মানেই যেন দুৰ্দান্ত গ্ৰাফিক্স,একশ্যন আৰু হিট ছবি। অভিনেতাজনে ’৯০ ৰ দশকত ইখনৰ পাছত সিখন ছবি উপহাৰ দি গৈছে। অৱশ্যে, শ্বাহৰূখ খানে পূৰ্বৰ সেই জনপ্ৰিয়তা আজিকোপৰ্যন্ত বজাই ৰাখিছে। শ্বাহৰূখৰ সমান্তৰালকৈ সুস্মিতা সেনো বলীউডৰ আটাইতকৈ জনপ্ৰিয় অভিনেত্ৰীসকলৰ মাজৰ এগৰাকী। তেওঁ বৰ্তমান ৱেব প্লেটফৰ্মতো অভিনয় কৰিবলৈ লৈছে। ২০০৪ চনত, শ্বাহৰূখ-সুস্মিতাৰ যুটিক একেলগে 'মে হুন না'ত দেখা গৈছিল। শেহতীয়াকৈ, এটা ভিডিঅ'ৰ যোগেদি পুনৰ চৰ্চাৰ অভিকেন্দ্ৰ হৈ পৰিছে এই যুটি।   ভাইৰেল ভিডিঅ'ত কিং খানক সুস্মিতা সেনৰ সৈতে কথা পাতি থকা দেখা গৈছে। শ্বাহৰূখে সুস্মিতা সেনক এটা বাৰ্তালাপৰ জৰিয়তে সুধিছিল যে, অভিনেত্ৰীগৰাকীয়ে তেওঁৰ সৈতে এছ আৰ কে প্লাছৰ বাবে একেলগে কাম কৰিব পাৰিবনে? অৱশ্যে, ইয়াৰ প্ৰতিক্ৰিয়াস্বৰূপে, তেওঁ সম্প্ৰতি ডিজনী প্লাছ হ’টষ্টাৰত ব্যস্ত হৈ থকা বুলি জনাইছে। আনকি অহা বছৰ একেলগে কাম কৰাৰো আশ্বাস প্ৰদান কৰে সুস্মিতা সেনে। কিন্তু বলীউড ছুপাৰষ্টাৰজনক অভিনেত্ৰীৰ প্ৰতিক্ৰিয়াই যে আহত কৰিছে কোনোবাখিনিত। সেই কথা স্পষ্ট ৰূপত ধৰা পৰিছে। বিষয়টোক লৈ এতিয়া সৰ্বত্ৰে চৰ্চা হোৱা পৰিলক্ষিত হৈছে। সম্প্ৰতি এই ভিডিঅ’টো ডিজনী প্লাছ হ’টষ্টাৰৰ অফিচিয়েল টুইটাৰ পেজৰ পৰা শ্বেয়াৰ কৰা হৈছে।