ডিজিটেল ডেস্কঃ মুক্তি পোৱাৰ এসপ্তাহ পাৰ হৈ গ’ল। কিন্তু এতিয়াও কমা নাই 'পাঠান’ৰ ধুমুহা। অতিক্ৰম কৰিলে ৮টাকৈ দিন। "পাঠান"-এ কেৱল দেশতে নহয় বিদেশৰ বজাৰতো শক্তিশালী ব্যৱসায় কৰি আছে। মুক্তিৰ পিছৰ প্ৰথম সপ্তাহত এই ছবিখনে সমগ্ৰ বিশ্বতে ৬০০ কোটি টকাৰ ব্যৱসায় কৰিছে। ৮ দিনত মুঠ আয় ৬৩৪ কোটি।
ছলমান খানৰ জনপ্ৰিয় ছবি ‘টাইগাৰ জিন্দা হায়’ৰ আয়ক ৮ দিনত চেৰ পেলাইছে ‘পাঠান’-এ। ছলমান আৰু কেটৰিনা কাইফে অভিনীত ছবি ‘টাইগাৰ জিন্দা হায়’ই ঘৰুৱা বজাৰত ৩৪০ কোটি টকা উপাৰ্জন কৰে। ৮ দিনত সেই আয় অতিক্ৰম কৰিলে শ্বাহৰুখৰ ছৱিখনে।
পৰিসংখ্যা অনুসৰি, প্ৰথম ৮ দিনত দেশৰ বক্স অফিচত মুঠ ৩৪৮ কোটি টকাৰ ব্যৱসায় কৰিছে ‘পাঠানে’। অষ্টম দিনা ছবিখনে ১৭.৫ কোটি টকা উপাৰ্জন কৰে।
হিন্দী চিনেমাৰ ইতিহাসৰ আন কোনো ছবিয়ে প্ৰথম সপ্তাহত ইমান ব্যৱসায়িক সফলতা লাভ কৰা নাই।‘টাইগাৰ জিন্দা হায়’ৰ পিছত এইবাৰ দেশৰ বক্স অফিচত আমিৰ খানৰ ‘দংগল’ৰ আয় (৩৮৭ কোটি) অতিক্ৰম কৰাৰ পথত ‘পাঠান’।
Continue Reading
