ডিজিটেল ডেস্কঃ বীৰেন্দ্ৰ ছেহৱাগ আৰু শ্বোৱেইব আখতাৰৰ মাজত পুনৰ 'কাজিয়া’ চলিছে। ডুবাইত অনুষ্ঠিত আন্তঃৰাষ্ট্ৰীয় টি-২০ লীগত কমেণ্টেটৰ হিচাপে গৈছিল দুগৰাকী ক্ৰিকেটাৰ। তাত তেওঁলোকৰ মাজত খেলপথাৰত ‘কাজিয়া’ হৈছিল। কিন্তু সকলোবোৰ ৰসিকতাভৰা। তাত আখতাৰৰ দীঘলীয়া ৰান আপৰ কথা কওঁতে ছেহৱাগে কয়- ''মই তললৈ চাই ৰৈছিলোঁ। কাৰণ, মই জানিছিলোঁ যে আখতাৰৰ দৌৰত ১০ৰ পৰা ১৫ ছেকেণ্ড সময় লাগে।’’
এই কথা শুনি আখতাৰে সুধিলে, "মোৰ ৰান আপে তোমাক অসুবিধা দিছিলে নেকি? মনোযোগত অশান্তি হৈছিল নেকি?'' উত্তৰত সেহৱাগে ক'লে, "তেতিয়া বহুত কথা মনলৈ সোমাইছিল। মই ভাবিছিলো তোমাৰ বলটো মোৰ ভৰিৰ গোৰোহালৈ আহিব নে বাউন্সাৰ হৈ মূৰৰ ফালে আহিব? এই সকলোবোৰ চিন্তা মনলৈ আহিছিল।’’
কিন্তু ২০০৩ চনৰ বিশ্বকাপৰ সময়ত খেলপথাৰত এসময়ত ছেহৱাগ আৰু আখতাৰৰ সমস্যা হৈছিল। ভাৰত-পাকিস্তানৰ খেলৰ সময়ত আখতাৰে বাৰে বাৰে ছেহৱাগক বাউন্সাৰ দি আছিল। "মাৰি দেখা" বুলিও কৈছিল আখটাৰে।বহু সময়ৰ পাছত ছেহৱাগে উত্তৰ দিলে, "নন ষ্ট্ৰাইকিং এণ্ডত তোমাৰ দেউতা আছে। তেওঁক দেখুৱাওক।'' তেতিয়া শচীন টেণ্ডুলকাৰ আছিল নন ষ্ট্ৰাইকিং এণ্ডত। তেওঁ আখতাৰৰ বাউন্সাৰক ছয়ৰ বাবে আপাৰকাট কৰে। তেতিয়া সেহৱাগে আকৌ আখতাৰক ক’লে, “তই বুজিছ। বাপ বাপেই হয়।’’
Continue Reading
