ডিজিটেল ডেস্ক: কংগ্ৰেছ সভাপতি ছোনিয়া গান্ধীৰ মাতৃ পাওলা মাইনোৰ ইটালীস্থিত নিজ বাসভৱনতে দেহাৱসান ঘটিছে৷ মৃত্যুৰ সময়ত তেওঁৰ বয়স আছিল ৯০ বছৰ৷
২৭ আগষ্টতে ছোনিয়া গান্ধীৰ মাতৃৰ বিয়োগ হয় যদিও আজিহে এই খবৰ ৰাজহুৱা কৰা হয়৷ এআইচিচিৰ সাধাৰণ সম্পাদক জয়ৰাম ৰমেশে আজি এক টুইটযোগে এই তথ্য সদৰী কৰে৷ তেওঁ টুইটত ছোনিয়া গান্ধীৰ মাতৃৰ অন্ত্যেষ্টিক্ৰিয়া কালি অনুষ্ঠিত হোৱা বুলি উল্লেখ কৰিছে৷
জয়ৰাম ৰমেশে বাতৰিটোৰ বিষয়ে টুইট কৰিছিল। তেওঁ লিখিছে, ছোনিয়া গান্ধীৰ মাতৃ পাওলা মাইনোৰ ২৭ আগষ্ট শনিবাৰে ইটালীত থকা তেওঁৰ ঘৰত মৃত্যু হয়।
উল্লেখযোগ্য যে, কংগ্ৰেছৰ মুৰব্বীগৰাকীয়ে ২৩ আগষ্টত তেওঁৰ অসুস্থ মাতৃক লগ কৰিবলৈ ৰাওনা হৈছিল। ছোনিয়া গান্ধী, তেওঁৰ পুত্ৰ ৰাহুল গান্ধী আৰু কন্যা প্ৰিয়ংকা গান্ধী ভাদ্ৰা ইতিমধ্যে গৈ ইটালীত উপস্থিত হৈছে৷
Continue Reading
