ডিজিটেল ডেস্কঃ ভমশী কৃষ্ণই ছয় বলত ছটা ছয় মাৰে। বুধবাৰে চি কে নাইডু ট্ৰফীত অন্ধ্ৰ প্ৰদেশৰ যুৱ বেটছমেনগৰাকীয়ে ৬টা বলত ৬টা ছয় মাৰে। ২৩ বছৰ অনুৰ্ধ ক্ৰিকেটাৰগৰাকীয়ে ৰবি শাস্ত্ৰী, যুৱৰাজ সিং আৰু ৰুতুৰাজ গাইকৱাদৰ অভিলেখ স্পৰ্শ কৰে।
অন্ধ্ৰৰ খেলখন আছিল ৰেলৱেৰ বিৰুদ্ধে। সেই মেচত ভামশীয়ে এটা অভাৰত ছয়টা ছয় কৰে। তেওঁ এই কৃতিত্ব অৰ্জন কৰা চতুৰ্থ ভাৰতীয় বেটছমেন হিচাপে পৰিগণিত হয়। ১৯৮৫ চনত শাস্ত্ৰীয়ে এটা অভাৰত ৬টা ছয় কৰে। ২০০৭ চনত এই অভিলেখ গঢ়িছিল যুৱৰাজে। ২০২২ চনত ৰুতুৰাজে ৬টা বল মাৰিছিল। কিন্তু ভামশীয়ে তেওঁলোকতকৈ কম বয়সতে এই কৃতিত্ব অৰ্জন কৰিছিল।
ৰে’লৱেৰ হৈ বলিং কৰি আছিল দমনদীপ সিঙে। ভামশীয়ে নিজৰ অভাৰত ৩৬ ৰান সংগ্ৰহ কৰে। অন্ধ্ৰৰ যুৱ বেটছমেনগৰাকীয়ে ৬৪টা বলত ১১০ ৰানৰ ইনিংছ খেলিছিল। চাৰিদিনীয়া খেলত এনে ঘটনা সততে দেখা নাযায়।
খেলখনত প্ৰথম ইনিংছত ৰেলে ৩৭৮ ৰান সংগ্ৰহ কৰে। ইয়াৰ উত্তৰত ভামশীৰ ক্ষমতাত অন্ধ্ৰই ৮৬৫ ৰান সংগ্ৰহ কৰে।
Continue Reading
