ডিজিটেল ডেস্কঃ ছত্তীশগড়ৰ বস্তাৰ জিলাত এটা চূণশিলৰ মূধচ খহি সাত জন শ্ৰমিকৰ মৃত্যু ঘটিছে। এতিয়াও বহু কেইকেজন শ্ৰমিক খনিটোৰ ভিতৰত আবদ্ধ হৈ থকা বুলি ধাৰণা কৰা হৈছে। আৰক্ষী সূত্ৰই জনোৱা অনুসৰি বস্তাৰৰ জিলাৰ সদৰ জগদলপুৰৰ পৰা ১২ কিলোমিটাৰ দূৰত নাগাৰ্নাৰ আৰক্ষী থানাৰ মালগাওঁৰ ওচৰতচূণসইলৰ খনিটোত এই দুৰ্ঘটনা ঘটিছে।
এতিয়ালৈকে সাতজন শ্ৰমিকৰ মৃতদেহ উদ্ধাৰ কৰিব পৰা গৈছে। নিহত সকলৰ ভিতৰত ছয়গৰাকী মহিলা শ্ৰমিকো আছে। স্থানীয় সূত্ৰই প্ৰকাশ কৰা মতে আন কেইবাজনো শ্ৰমিক ভিতৰত আৱদ্ধ হৈ আছে।তেওঁলোকক উদ্ধাৰ কৰাৰ বাবে চেষ্টা চলাই থকা হৈছে।
ঘটনাটোৰ খবৰ পোৱাৰ পিছতে আৰক্ষী আৰু উদ্ধাৰকাৰীৰ দল ঘটনাস্থলীত উপস্থিত হয়। ছত্তীশগড়তচূণশিলৰ খনিত এনে দুৰ্ঘটনা প্ৰায়ে ঘটি আহিছে। শ্ৰমিকসকলে সম্পূৰ্ণ অসুৰক্ষিত পৰিবেশত এনে খনি সমূহত কাম কৰি থাকিবলগীয়া হৈছে।
আৰক্ষী আৰু উদ্ধাৰকাৰী দলে আৰ্থ মুভাৰ , জেচিবি ব্যৱহাৰ কৰি ধ্বংসাৱশেষ আঁতৰৰোৱাৰ কাম আৰম্ভ কৰিছে।
বস্তাৰ জিলা আৰক্ষীয়ে জনোৱা অনুসৰি খননকাৰ্যৰ সময়তে হঠাতে খনিটোৰ এটা অংশ খহি পৰে। ফলত পাঁচজন লোকক খনিৰ খহি পৰা অংশই হেঁচা মাৰি ধৰে আৰু তেওঁলোকৰ ঠাইতে মৃত্যু হয়। স্থানীয় লোকে দুজন শ্ৰমিকক উদ্ধাৰ কৰি চিকিৎসালয়লৈ নিয়ে যদিও বাটতে তেওঁলোকৰ মৃত্যু হয়।
Continue Reading
