ডিজিটেল ডেস্কঃবিজেপিৰ শীৰ্ষ সমিতিত এতিয়া কংগ্ৰেছী নেতাৰ ভিৰ বাঢ়িছে। দেশৰ কেইবা খনো ৰাজ্যত প্ৰাক্তন কংগ্ৰেছী নেতাই এতিয়া বিজেপি চৰকাৰৰ হৰ্তা-কৰ্তা বিধাতা হৈ পৰিছে। এনে সময়তে বিজেপিয়ে কংগ্ৰেছৰ প্ৰাক্তন মুখপাত্ৰ জয়বীৰ শ্বেৰগিলক ইয়াৰ ৰাষ্ট্ৰীয় মুখপাত্ৰ হিচাপে নিযুক্তি দিছে।
গেৰুৱা দলটোৱে এক বিবৃতিত এই কথা প্ৰকাশ কৰিছে।উত্তৰ প্ৰদেশ বিজেপিৰ প্ৰাক্তন সভাপতি স্বতন্ত্ৰ দেৱ সিঙক দলটোৰ ৰাষ্ট্ৰীয় কাৰ্যনিৰ্বাহকৰ সদস্য হিচাপে নিযুক্তি দিছে।
বিজেপিয়ে পঞ্জাৱৰ প্ৰাক্তন কংগ্ৰেছ নেতা তথা প্ৰাক্তন মুখ্যমন্ত্ৰী অমৰিন্দৰ সিং আৰু সুনীল জাখৰক দলটোৰ ৰাষ্ট্ৰীয় কাৰ্যনিৰ্বাহকৰ সদস্য হিচাপে নিযুক্তি দিছে। কংগ্ৰেছৰ প্ৰাক্তন মুখপাত্ৰ জয়বীৰ শ্বেৰগিলক বিজেপিৰ ৰাষ্ট্ৰীয় মুখপাত্ৰ হিচাপে নিযুক্তি দিছে।
একেদৰে মদন কৌশিক, বিষ্ণু দেও চাই, ৰাণা গুৰমিত সিং সোধি, মনোৰঞ্জন কালিয়া আৰু অমনজোত কৌৰক ৰাষ্ট্ৰীয় কাৰ্যনিৰ্বাহকত নিযুক্তি দিছে। উল্লেখ্য নিযুক্তিপ্ৰাপ্ত প্ৰায় সংখ্যকেই কংগ্ৰেছৰ পৰা আহি বিজেপিত যোগদান কৰা ৰাজনীতিক ।
Continue Reading
