ডিজিটেল ডেস্কঃ ছত্তীশগড়ত পুনৰ নক্সালৰ আক্ৰমণ ৷ ৰাজ্য খনৰ বিজাপুৰ জিলাত নক্সালৰ সৈতে হোৱা সংঘৰ্ষত চিআৰপিএফৰ তিনিজন জোৱান নিহত হয়। বাতৰি অনুসৰি এনকাউণ্টাৰটোত ১৪ জন জোৱান আহত হৈছে। আৰক্ষী মহাপৰিদৰ্শক (বাস্তাৰ ৰেঞ্জ) পি সুন্দৰৰাজে প্ৰকাশ কৰা মতে ঘটনাটো তেকালগুডেম গাঁৱৰ ওচৰত সংঘটিত হৈছে৷
চিআৰপিএফৰ এটা যুটীয়া দলে তালাচী অভিযানৰ বাবে ওলাই যোৱাৰ সময়তে এই সংঘৰ্ষৰ ঘটনা ঘটে৷ আঘাতপ্ৰাপ্ত জোৱানসকলক চিকিৎসাৰ বাবে ৰায়পুৰলৈ লৈ যোৱা হৈছে৷ তেওঁলোকক বিপদমুক্ত বুলি কোৱা হৈছে। বিজাপুৰ আৰু চুকমা জিলাৰ সীমাত অৱস্থিত গাঁওখনত নক্সাল বিদ্ৰোহীয়ে পূৰ্বৰে পৰা খাপ পিটি আছিল৷
২০১ কোব্ৰা বেটেলিয়ন আৰু চিআৰপিএফৰ ১৫০ বেটেলিয়নৰ এটা দলে অঞ্চলটোলৈ যাত্ৰা কৰাৰ সময়তে নক্সালে হঠাতে আক্ৰমণ কৰে৷ লক্ষণীয়ভাৱে, ২০২১ চনতো ছত্তীশগড়ত চুকমা-বিজাপুৰ সীমান্তত সংঘৰ্ষৰ সময়ত নক্সালবাদীৰ সৈতে হোৱা সংঘৰ্ষত প্ৰায় ২২ জন জোৱান নিহত হৈছিল।
Continue Reading
