ডিজিটেল ডেস্কঃ পিতৃ আৰু কন্যাৰ মাজৰ সম্পৰ্ক অতি মধুৰ। পিতৃৰ হৃদয়ত কন্যাৰ প্ৰতি আছুতীয়াকৈ মৰম থাকে বুলি বিশ্বাস কৰা হয়। আপুনি নিশ্চয় ভাবিছে যে আমি হঠাতে এই বিষয়ে কিয় কৈছো? শেহতীয়াকৈ ছ’চিয়েল মিডিয়াত এটা ভিডিঅ’ ভাইৰেল হৈছে যিটো চাই আপুনিও নিশ্চয়কৈ ক’ব সঁচাই পিতৃ-কন্যাৰ সম্পৰ্ক অতুলনীয়।
ভিডিঅ’টো চাই বুজিব পাৰি যে পিতৃগৰাকীয়ে ছুইগিত চাকৰি পাইছে আৰু সেই আনন্দতে তেওঁৰ কন্যা জপিয়াই উঠিছে। দেউতাকৰ নতুন চাকৰি পোৱাৰ আনন্দ উদযাপন কৰা এগৰাকী সৰু ছোৱালীৰ এটা সৰু ভিডিঅ’ ক্লিপে সকলোৰে অন্তৰ জয় কৰিছে। এই ভিডিঅ’টো চাই নিশ্চয় আপুনিও আৱেগিক হৈ পৰিব।
বৰ্তমান ভাইৰেল হৈ পৰা এই ভিডিঅ’টো ইনষ্টাগ্ৰামত শ্বেয়াৰ কৰিছিল পূজা অৱন্তিকা নামৰ এগৰাকী ইউজাৰে। হৃদয়স্পৰ্শী ক্লিপটোত এগৰাকী কণমানি ছোৱালীয়ে চকু দুটা ঢাকি থিয় হৈ থকা দেখা যায়। হাতত ছুইগিৰ ট্ৰেডমাৰ্ক থকা টি-চাৰ্ট লৈ পিতৃ তাইৰ সন্মুখত থিয় হৈ আছিল। ছোৱালীজনীয়ে চকু দুটা মেলি বুজি পালে দেউতাকে ছুইগিত নতুন চাকৰি এটা পাইছে। তাই আনন্দত জপিয়াই উঠিবলৈ ধৰিলে আৰু দেউতাকক আৱেগেৰে সাৱটি ধৰিলে।
চাওক ভিডিঅ’
পোষ্টটোৰ কেপচনত লিখা আছিল "Appa's new job," (দেউতাৰ নতুন চাকৰি)
অনলাইনত শ্বেয়াৰ কৰাৰ পিছতে এই ভিডিঅ’টোৱে ভাইৰেল হৈ পৰে। ছোৱালীজনীৰ প্ৰতিক্ৰিয়া চাই নেটিজেনসকলে আপ্লুত হৈ কমেণ্ট ছেকচনত নিজৰ মৰম প্ৰকাশ কৰিছে।
Continue Reading
