ডিজিটেল ডেস্কঃ তামিলনাডু চৰকাৰে ৰাজ্যখনৰ গোচৰৰ তদন্তৰ বাবে কেন্দ্ৰীয় তদন্তকাৰী সংস্থা(চিবিআই)ক দিয়া সাধাৰণ সন্মতি প্ৰত্যাহাৰ কৰিছে৷ এনে কৰা দক্ষিণ ভাৰতৰ ৰাজ্য তামিলনাডু দশম ৰাজ্য হিচাপে পৰিগণিত হৈছে। চিবিআইয়ে এতিয়াৰ পৰা ৰাজ্য চৰকাৰৰ অনুমতি লৈ ৰাজ্যখনৰ লগতে ইয়াৰ বাসিন্দাসকলৰ বিৰুদ্ধে তদন্ত কৰিব লাগিব।
ইতিমধ্যে চিবিআইৰ সাধাৰণ সন্মতি প্ৰত্যাহাৰ কৰা আন ৯খন ৰাজ্য হ’ল -- ছত্তীশগড়, ঝাৰখণ্ড, কেৰালা, মেঘালয়, মিজোৰাম, পঞ্জাৱ, ৰাজস্থান, তেলেংগানা আৰু পশ্চিম বংগ। তামিলনাডুৰ মন্ত্ৰী সান্থিল বালাজীক ধন সৰবৰাহৰ গোচৰত কেন্দ্ৰীয় সংস্থা প্ৰবৰ্তন সঞ্চালকাল(ED)য়ে গ্ৰেপ্তাৰ কৰাৰ কেইঘণ্টামানৰ পিছতে এই সিদ্ধান্ত লোৱা হৈছে।
বুধবাৰে প্ৰায় ১.৩০ বজাত আনুষ্ঠানিকভাৱে গ্ৰেপ্তাৰ হোৱাৰ পিছত ডি এম কে নেতাগৰাকীয়ে বুকুৰ বিষৰোঅভিযোগ উত্থাপন কৰাৰ বাবে চৰকাৰী চিকিৎসালয়ত ভৰ্তি কৰোৱা হয়, য’ত তেওঁক সোনকালে বাইপাছ অস্ত্ৰোপচাৰ কৰিবলৈ পৰামৰ্শ দিয়া হয়। তেওঁ অধিক চিকিৎসাৰ বাবে ব্যক্তিগত চিকিৎসালয়লৈ স্থানান্তৰিত কৰাৰ অনুমতি বিচাৰি আদালতত আবেদন দাখিল কৰে আৰু অন্তৱৰ্তীকালীন জামিনৰ বাবেও আবেদন কৰে। চৰকাৰী সূত্ৰই জনোৱা মতে, দীৰ্ঘদিন ধৰি সোধা-পোছাৰ অন্তত বালাজীক গ্ৰেপ্তাৰ কৰা হয়।
ইয়াৰ পাছত স্থানীয় আদালতে তেওঁক ২৮ জুনলৈকে ন্যায়িক জিম্মালৈ প্ৰেৰণ কৰে।বালাজীৰ আৰক্ষীৰ জিম্মাত বিচৰা ইডিৰ স্প্ৰেয়াৰৰ উপৰিও অন্তৱৰ্তীকালীন জামিন আৰু ব্যক্তিগত চিকিৎসালয়লৈ স্থানান্তৰিত কৰাৰ অনুমতিৰ বাবে আবেদনৰ ওপৰতো আদালতে আদেশ আৰু সংৰক্ষণ কৰে৷
Continue Reading
