ডিজিটেল ডেস্কঃ গুৱাহাটী ক্ৰীড়া সন্থাৰ চি ডিভিজন কোৱালিফাইং ফুটবল ৰাউণ্ড ২০২২-২৩ত ফাইনেলত প্ৰৱেশ কৰিছে নাৰেংগী ৰয়েল্ছ এফচিয়ে ৷ নেহৰু ষ্টেডিয়ামত অনুষ্ঠিত এখন ছেমিফাইনেল মেচত নাৰেংগী ৰয়েল্ছে আকাশ এফচিক টাইব্ৰেকাৰত ৫-২ গ’লত পৰাস্ত কৰে ৷
নিৰ্ধাৰিত সময়ত মেচখন ১-১ গ’লত অমীমাংসিত হৈ ৰৈছিল । কাইলৈ আনখন ছেমিফাইনেলত পুৱা ৯ বজাত স্প’ৰ্টছক্ৰাফ্ট এছচিয়ে কেএমচি এফচিৰ বিৰুদ্ধে প্ৰতিদ্বন্দ্বিতা কৰিব ৷
উল্লেখ্য কালি অনুষ্ঠিত কোৱাৰ্টাৰ ফাইনেল মেচত হাৰ্ভেষ্ট এফচিয়ে স্প’ৰ্টছক্ৰাফ্ট এছচিক টাইব্ৰেকাৰত ৭-৬ গ’লত পৰাস্ত কৰিছিল যদিও হাৰ্ভেষ্টে অকৰ্তৃত্বশীল খেলুৱৈক নমোৱা বুলি প্ৰমাণ হোৱাত সেই ফলাফল স্প’ৰ্টছক্ৰাফ্টৰ পক্ষত দিয়া হয় ৷
Continue Reading
