ডিজিটেল ডেস্কঃ জ্যেষ্ঠ কংগ্ৰেছ নেতা ছলমান খুৰ্ছিদে শনিবাৰে পৰামৰ্শ দিছিল যে কেন্দ্ৰীয় অনুসন্ধান ব্যুৰ’ (চিবিআই) আৰু প্ৰৱৰ্তন সঞ্চালকালয়ে (ইডি)এটা স্বতন্ত্ৰ সংস্থালৈ আহিব লাগে।
তেওঁ তেওঁৰ পৰামৰ্শক উৰ্দ্ধৃতি দি কয় যে, ভাৰতৰ মুখ্য ন্যায়াধীশ (চিজেআই) এনভি ৰমনাৰ শেহতীয়া এই কথাই কৈছিল। সংবাদ মাধ্যমৰ আগত খুৰ্ছিদে কয় যে, ‘কেন্দ্ৰীয় তদন্তকাৰী সংস্থাসমূহে (ইডি, চিবিআই) এটা স্বতন্ত্ৰ ছাতিৰ তললৈ আহিব লাগে’, দেশৰ মুখ্য ন্যায়াধীশেও এইটো কথাকে কৈছিল। লগতে তেওঁ কয় যে, বিজেপিয়ে দেশৰ বিৰোধী শিবিৰক মষিমূৰ কৰিব বিচাৰিছে, লগতে তেওঁলোকে দেশত একনায়কত্ববাদ প্ৰতিষ্ঠা কৰিব বিচাৰিছে।
যোৱা মাহত, চুপ্ৰিম কৰ্টৰ মুখ্য ন্যায়ধীশে ৰমনাই এক মন্তব্যই আলোড়নৰ সৃষ্টি কৰিছিল তেওঁ কৈছিল যে চিবিআইৰ বিশ্বাস যোগ্যতা সময়ৰ লগে লগে হেৰুৱাব লৈছে কিয়নো ইয়াৰ কাৰ্য-কলাপ আৰু নিষ্ক্ৰিয়তাই কিছুমান ক্ষেত্ৰত প্ৰশ্ন উত্থাপন কৰিছে।
তেওঁ লগতে বিভিন্ন অনুসন্ধানকাৰী সংস্থাক এটা ছাতিৰ তললৈ অনাৰ বাবে এটা ‘স্বতন্ত্ৰ ছাতি প্ৰতিষ্ঠান’ গঢ়ি তুলিবলৈও আহ্বান জনাইছিল।
ইফালে, কংগ্ৰেছ দলৰ নেতৃত্বৰ সংকট সন্দৰ্ভত এক প্ৰশ্নৰ উত্তৰ দি ছলমান খুৰ্ছিদে কয় যে দলটোত নেতৃত্বৰ কোনো সংকট নাই। দলটোত এতিয়াও এনে বহু নেতা আছে যিয়ে দীৰ্ঘদিন ধৰি সুখেৰে দেশৰ সেৱা আগবঢ়াই আহিছে।
লগতে তেওঁ কয় যে, আমি আমাৰ নেতাসকলৰ প্ৰতি প্ৰতিশ্ৰুতিবদ্ধ আৰু তেওঁলোকক লৈ আমি গৌৰৱ কৰো, প্ৰশংসা কৰোঁ। আমাৰ তেওঁলোকৰ ওপৰত বিশ্বাস আছে। কেইখনমান ঠাইত আমাৰ দল পৰাজিত হ’লেও, আমাৰ কংগ্ৰেছ দল পৰাজয় হোৱা নাই আমি যুঁজি যাম,-বুলি খুৰ্ছিদে কয়।
Continue Reading
